10月去首爾既時候同朋友去左麻浦農水產物市場食海鮮 有朋友仔應該會問:食海鮮唔係去鷺梁津咩?? 傻豬豬想比人厄下錢既你就去個樹囉~ 同埋早排見有報導話有香港人跟圑係麻浦農水產物市場買蟹比人厄 其實真係唔關d店檔主叔叔事~係d領隊有問題姐 真係要幫檔主叔叔佢地平反一下!!!佢地真係好好人嫁 呢餐我同朋友仔餐單: 比目魚一條 = 20000 won (約港幣$140) 一大盤靚靚三文魚刺身 = 10000 won (約港幣$70) 大大隻蟹仔 = 37000 won (約港幣$250港幣) 我買呢檔係比較出名~同埋個叔叔都懂普通話 我就因為普通話唔多好^^所以溝啲韓文同佢溝通下 係傾得幾開心既情況下就買左條比目魚+三文魚刺身 買蟹就要過右手邊隔離檔買啦 檔主會同係你講好價錢你覺得ok啦先比錢~佢就會即刻幫你蒸~要蒸15分鐘 咁個蒸爐就開放式既~你鍾意企係度睇住你隻蟹仔又得~鍾意周圍行下買下醬油蟹又得 係市場入面買好你要食既野後~就可以上樓上食堂揾位等食啦 樓下啲叔叔會將你既野食送上黎比你嫁啦 食堂係需要比小費嫁~不過都係好平 我地叫左一支燒酒+一支大啤+一碗白飯 都只係 17000 won左右(約港幣$110) 真係價錢合理!而且食物是有質素哦 麻浦農水產物市場마포농수산물시장 ➡啡色6號線世界盃體育場站월드컵경기장역 1 號出口 一出去直行5~10分鐘左右就到嫁啦 食飽就可以去埋隔離天空公園影靚相添 大家可以上我FB專頁睇番我啲舊既韓遊記嫁 Ball姐 Let`s Go To 서울☆https://m.facebook.com/ball0221
