【一個人遊首爾~不用怕!特集】又黎啦 大家仲記得我6月既時候自己去首爾麻? 其實仲有幾個我去左既地方我未分享嫁 今日同鍾意行下山睇夜影既朋友仔分享下 首爾十大夜景就之一 鷹峰山 點解我會揀鷹峰山呢? 交通方便。路程適合無係香港行過山既我。我鍾意睇夜影 咁由於我自己1個人既關係。當日我5點幾已經去到鷹峰站探路 由1號出口落完樓梯望向左手邊會有一條長直路 一直行就岩啦~行緊既同時正前方個個山就係鷹峰山 醒目既朋友仔就應該知道一路向住個個方向向上行就係啦 好~番番轉頭先~~行完條直路就轉右行會見到有民居嫁啦 行多幾步如果你左手邊有路上斜既話就行上去啦 行到盡頭就轉右。沿住呢條奪命斜上就岩啦 唔想咁快無命?行到咁上下見到個公園仔你就穿過佢上石級可以避左少少斜路既 上完石級再經過個公廁就已經到左鷹峰山第1個上山樓梯入口 而等2個入口就係要再行頭多少少。 有2條吊橋仔個度就係啦~仲可以影下相添 如果怕黑/女孩子怕危險既我絕對建議行第2個入口 因為等1個入口有半段路係無梯級同街燈 TT 夜晚落山係要用電筒 第2個路口全程都有梯級同街燈~相對上係安全好多 咁可能我行得快既關係。我30分鐘都唔洗就已經由車站行到上山 又未日落咁就唯有係八角亭坐下休息下 點擊圖片放大 +2 望下首爾塔呀周圍行下影下相又落山又上山咁 終於就比我等到7點半左右開始日落 而山上面都多左啲人同龍友影夜影 不過個日天氣就麻麻地好似想落雨咁。天陰又有霧又有少許焗 結果。。。個晚全部會發光既野都吸引住一群飛蟻 對最怕蛇蟲鼠蟻既我黎講......真係好驚!!!! 一路影。。。一路撥。。。一路影。。。一路撥。。。 一路起雞皮一路影。。。最後影完我就跑落山。。。 其實上面真係好靚好想再留多陣..結果..唉.. 跟住我就再去埋只有5站之隔既高速巴士站 去漢江睇三島~飲罐啤酒~吹下海風咁就嘆左一晚夜景啦 大家可以上我FB專頁睇番我啲舊既韓遊記嫁 Ball姐 Let`s Go To 서울☆https://m.facebook.com/ball0221
