【一個人遊首爾~不用怕!】特集 話說6月尾既時候Ball店長我終於試左人生第1次自己去遊行 ✈今次都係去首爾 對於平時唔可以自己1個出街+食飯+睇戲既我黎講 係一個幾大既挑戰 番黎梗係同大家share下~想試下自己去首爾既朋友可以參考下嫁 住宿編: 當然要自己上網站睇下~民宿位置❤評價$價錢啦 而我個人比較推介住東大門歷史文化公園站附近 因為有3條地鐵線經東大門歷史文化公園站~搭車非常方便 而且夜晚人流都多^^一個女仔都唔怕危險 夜晚晚訓唔著仲可以行夜街添 呢今次我選擇左Charim Guesthouse住5日4夜 自己1間房連厠所$1000樓下搞掂 我個人覺得房間整潔~我間房仲可以望到DDP添 有wifi~風筒~淋浴露洗頭水~有電視~仲有好多插蘇位 洗手間細左啲啲~隔音又差啲啲 食煙既朋友就要上天台食啦 天台環境都唔錯!可以望到DDP嫁!!!夜晚上去飲罐啤酒都幾正嫁 不過一個人住呢個價錢呢個質素~我就相當滿意GooD呀! 最大既缺點係。。。。 你要托住個喼得3層樓梯先上到去民宿 不過。。check out個時老闆會幫你搬喼落去 所以走個時唔洗驚搬到死 老闆佢地都好好人~可以用簡單英文溝通 Charim Guesthouse 地點:東大門歷史文化公園8號出口就係啦(即Lotte Fitin後面) 可以搭機場地鐵 or 6001機場巴士,非常易揾 搭地鐵既朋友記住無論你去邊間酒店都好 記住係12號出口上地面~因為得12號係有扶手電梯嫁咋 我就鍾意搭地鐵^^快啲而且又平過巴士好多 大家可以上我FB專頁睇番我啲舊既韓遊記嫁 Ball姐 Let`s Go To 서울☆https://m.facebook.com/ball0221
