今日為情侶。龍友。偽文青介紹首爾既影相聖地之一 岩岩10月呢次我去左既【龍馬公園 용마랜드】 一個已經荒廢左好耐既機場遊樂場 雖然係荒廢左~但都有個保安伯伯係樹看守 只需要係門口支付每人5000 won既入場費$$佢就會開門比你入去啦 如果你見唔到伯伯係門口。你就要耐心等候一下 其實售票處都有寫底左電話，如有需要係可以打去叫佢開門嫁 提提大家千其唔去自己走入去~要守規矩呀 我去當日係平日黎~唔算多人 入到去其實就同我預期既差唔多。地方唔係好大 但勝在佢每個機動遊戲懷舊得黎好色彩繽紛 同埋平時你係唔會有機會可以坐係啲機動遊戲上面慢慢影相^^所以對我黎講相當特別 點擊圖片放大 +2 我去個日入面有好幾個專業model影緊相 我同朋友就諗住走去學下人地擺下pose咁啦>>>最後只能說。。。Model唔易做 點擊圖片放大 影下影下影左2個鐘我地就走lu 有傳2017年會正式結業同清拆!想去影相既朋友就快啲去啦!! 無特定入場時間~只要保安伯伯係度佢任何時間都歡迎你入去 點去嫁? 忘憂站1號出口出直行過左鎖匙圈後會見到條大馬路 過馬左路去對面之後就轉左一直沿住呢條大馬路行 直至行到見到하나은행之後個路口轉右行入去 轉到入去行到第2條只可以向左既橫街仔 無錯之後你就沿住路一直行上山唔好轉左唔好轉右 當你見到一間學校既時候再沿斜路上~見到殘殘舊舊既鐵閘門口就係啦 全程步行時間大概20~30分鐘左右 搭車得唔得呀????唔係唔得。但無車可以直接上到去 就算你搭巴士/的士落車後 都要行10分鐘左右先到嫁 所以當日我都揀左同朋友行過去 ~途中仲發現到1個舊式市場,仲入去行左個圈~都有啲小食買下嫁 NAVER MAP LINK:http://map.naver.com/index.nhn?pinId=13163164&pinType=site&dlevel=12&y=66f4f84fe8bb6b09f353246e90edac80&x=45e068bce825ef0b46ffdf6c46c6aa69&enc=b64 大家可以上我FB專頁睇番我啲舊既韓遊記嫁 Ball姐 Let`s Go To 서울☆https://m.facebook.com/ball0221
