好多朋友仔都知。去韓國買鞋係指定活動 我每次去都會買幾對鞋番黎 咁係咪真係咁平咁值得買呢?! 咁對我黎講➡香港無➡比香港平➡都係我買既對象 咁去邊度睇鞋仔好先????? 去過首爾既朋友應該都知嫁啦 未去過既朋友可以留意下我以下既推介哦 【Folder】 韓國本土代表。亦都係我大愛既鞋店 其實係衫褲鞋襪乜都有嫁 款式夠多夠新~大牌潮牌都有 有自己品牌既鞋之餘亦都有好多牌子會同佢地玩crossover 而有啲款只會佢有,出面其他鞋鋪都無嫁 就例如早前出個對粉紅色Vans classic款咁 只得Folder獨家發售。Vans專門店都無得賣哦 TT 原本我都想買不過已經全線sold out 所以如果大家真係要買鞋>>我絕對推介大家去Folder 而我就有follow開佢地既IG++每次去首爾前我都會睇下有咩新款 一去到就可以對準目標買啦 不過分店就唔係特別多。暫時以我所知而又去過既明洞有2間(1大1細鋪)，弘大1間(大鋪)，江南1間(大鋪)，建大1間(細鋪) 大家留意細鋪會少啲款嫁下 Folder Instagram:folder_korea Folder官網:www.folderstyle.com Follow佢地分分鐘你仲快過啲代購知有咩新款啦 【ABC-Mart】 日本代表鋪頭密度比Folder高啲啲 大家有去開日本呀台灣旅行既都應該對佢唔陌生啦 首爾既ABC Mart都係集中賣大牌波鞋 咁當然只限韓國內銷既款佢地都有啦 不過款式就一定唔夠Folder多 但有樣好既就係佢地間中就會做減價咁~有時好彩都會買到又平又靚既鞋仔嫁 ABC-Mart Korea Instagram: abcmartkr 購自Folder~Chiswick x Floder crossover款都只係4萬幾won 都係購先自Folder~多謝14萬幾won...TT 大家可以上我FB專頁睇番我啲舊既韓遊記嫁 Ball姐 Let`s Go To 서울☆https://m.facebook.com/ball0221
