[一個人遊首爾~不用怕!特集] 話說6月既時候自己1個人去首爾玩。講真係真係好寫意自己鍾意去邊就去邊 亦去左好多無乜香港人去既地方以下介紹既地方係呢個旅程中我最鍾意既地方 我相信 Xtravel X假期都未介紹過 呢樹係我睇韓國人啲IG揾番黎 今日我為大家介紹既係位於梨泰園既《Graddhyllan그레트힐란》 家品+ Cafe店,鍾意嘆下午茶~飲酒嘆風景既朋友一定要黎 門面唔太起眼~上一層樓梯先點餐先 點餐之後你就要話比佢知你會坐邊層(連天台有5層) 咁佢地就會上黎送餐比你嫁啦 去到個層你自己揀位坐就得嫁啦 如果你揀左坐天台outdoor就唔可以轉番入黎室內坐~要留意哦 我當日4點幾去到 ,揀左天台坐啦 嘩~風景真係超級靚!!亦都吸引我黎既原因 大家睇我啲相都見到~係可以望到N首爾塔嫁 首爾塔是可以咁樣欣賞的 坐左陣影下相店員就送餐比我啦 我點左支大啤酒同2件馬卡龍~仲送左芝士波比我送酒飲 咁樣飲下影下相㩒下電話就hea左2個鐘 幾識享受人生! 《Graddhyllan그레트힐란》 地址:서울특별시 용산구 회나무로 60-1 (이태원동 229-17) 平日- 12:00~23:00 周末- 12:00~24:00 Map link: https://m.map.naver.com/viewer/map.nhn?pinType=site&pinId=35092812 點去嫁?? 綠沙坪站(녹사평역)2號出口一直行到有隧道就落去隧道過對面(係呀望下對面有好多酒吧同cafe就岩嫁啦) 靠左手邊樓梯上黎向前行會有間Road Steak,對面馬路有間cs25既但千其唔好行過去 就沿住Road Steak個邊條路行上去大概5~10分鐘就到嫁啦 沿路記住留意右手邊望佢地既招牌呀 沿路其實都有好多酒吧cafe~大家都可以試下嫁 大家可以上我FB專頁睇番我啲舊既韓遊嫁 Ball姐 Let`s Go To 서울☆https://m.facebook.com/ball0221
