岩岩10月呢次去首爾~最興奮既活動就係玩滑翔傘 其實我5月既時候係台北都玩過一次 不過今次既體驗仲正!!睇片就知啦 我的Youtube影片(x2部速等大家可以快啲睇晒)https://youtu.be/7k1kWe40kvE 今次我揀係丹陽玩,因為景色比京畿道靚好多 不過車程就真係好遠,要搭成2個半鐘左右火車先到 我上網經단양 패러글라이딩(danyang paragliding)預約 開頭係用我有限度既韓文同佢地約,但事後先知佢地英文都ok嫁 我留左Kakao Talk比佢(韓國既wtsapp)~方便聯絡 費用100000 won(約港幣$700) 包Go Pro拍攝同埋火車站只接不包送 當日我7點15分由東大門出發,去到清涼里4號出口一出 就係轉乘無窮花號既清涼里火車站啦 攞住我預購左車飛既單去counter換番張車飛等上車 車飛上有你坐既列車班次編號/出發時間/到站時間/卡次同坐位號碼~唔好亂咁坐呀 可以買大量野食一路食一路欣賞下沿途風景 差唔多到站既時候,滑翔傘叔叔已經係站等緊我地 跟住就接我地去鋪頭著裝備 跟住就上山!!段路又窄又斜.....嚇死朕呀真係 不過上到去+_+好靚呀真係 成世女未試過咁樣企係個咁高既山度!!!超級興奮!! 大家睇片就知我幾開心啦 玩完去番鋪頭即時download埋段片就要自己搭的士走人啦 記住留意丹陽番清涼里既火車班次係差唔多2個鐘先有1班~計住留意乘車時間表呀!! 如果想試玩既朋友仔記住留意: 》先預定日子&睇下你預計當日火車-無窮花號到達丹陽既時間 同滑翔傘個邊confirm日子ok先好去訂火車飛 》火車-無窮花號最好上網預購車飛，如果唔係分分鐘無位坐無得去 》滑翔傘費用去到先比~無需預付嫁 ※預約方法: 如果大家想約的話可以揾我 我可以比叔叔個Kakao Talk acc你自己同佢約時間 咁當然仲有其他唔同既滑翔傘公司你可以慢慢上網揀既 ※無窮花號車飛預購(清涼里至丹陽<-非總站哦) Korail網站:http://www.letskorail.com(中/英/日/韓) 大家可以上我FB專頁睇番我啲舊既韓遊嫁: Ball姐 Let`s Go To 서울☆https://m.facebook.com/ball0221
