[小貼士 - 電器篇] 介紹大家去深水埗福嘅特賣場買裝備，種類多，價錢平，唔見左唔會肉痛！ 睇唔啱嘅，再去附近睇下都一定有收穫！ 1。轉插 介紹大家買個n合1萬能轉插，仲要可以出2個USB頭 (強烈推介) 如果大部份電器都有USB充電頭又唔想帶拖板可以考慮買個一個插頭兩個USB出口，同一時間叉尿袋加電話無難度 2。拖板 因為相機，電話，充電器樣樣都要叉電，一般係酒店嘅插蘇位未必夠位，建議大家帶返個大陸插頭嘅拖板！3個位插頭就夠用！用大陸插頭嘅好處係唔駛再駁個轉插，可以留係其他地方用！(不過話聲你知，大陸火車 "official"係唔比用拖板架! 不過無人個陣就.......) 3。叉電線 宜家有一款係android同iPhone 共用線，咁就可以一線走天涯叉曬兩款電話加充電器，仲可以借埋比朋友，唔怕比人話自私用。 4。充電器 出門去旅行 又要影相又要查地圖 梗係會帶定個特大尿袋諗住 「去旅行做足準備」 提提大家：便攜充電器一定要放手提行李 唔好寄倉 大家可以買返個15000嘅充電器 因為如果係內地會搭飛機 記住唔好帶大過/等如20000Amh嘅尿袋, 如果就會好似我地咁* *火車站小插曲 我地過安檢嘅時, 候安檢人員會逐個check, 我地就係帶左個2萬Amh嘅過唔到關... 結果得兩條路：一係托運去內地地址(港澳台寄唔到）或者放棄個尿袋 最後我地就約個尿袋運左去國內Dimbuy集運, 然後再搵香港朋友等佢淘寶既時候一齊集運番落黎香港喇~ 雖然旅程中少左個尿袋用, 不過總好過dum左佢啦 :P P.S. 大家去深水埗特賣場果時可以睇埋其他便攜日用品，我地去果時買左條萬用繩($9); 摺得嘅衣架（$3) ; 仲有超大張既濕水巾(抹身用幾好架構)。真係唔錯！
