過多幾個鐘，升中公布派位結果出爐！（自行分配學位及統一派位結果2021年7月6日）家長緊張係無可厚非，但都要記住唔好加太大壓力係小朋友身上，亦要注意小朋友情緒，只要「盡咗力」，就夠喇！放榜後，如果有幸獲派心儀嘅學校，固然開心啦，到時家長都可以放下心頭大石，學生就要喺7月8號至7月9號期間辦理中一註冊。升中派位：叩門但係，如果唔好彩排位結果唔理想，唔使灰住，仲有機會：叩門，有部份學校會預留小部份學位叩門，同學可以馬上向心儀嘅學校叩門。大部份嘅學校叩門程序都包括：面試，所以喺放榜當日要帶學生嘅成績、學歷證明、學校推薦信、獎狀等，一篇文章（盡量英文及中文都要）講述點解想要入讀呢一間學校、派位結果。不過疫情關係，學校面試嘅模式都可能有變，家長可以喺放榜當日或之前，**打電話（好多學校都可以即日電話查詢面試程序)，或上心儀學校嘅網頁，睇吓學校有冇預留叩門學位，同埋相關面試程序。家長／同學可以向多間學校叩門，所以當日帶多少少現金搭的士！ 中一分班試今年嘅學科測驗暫定喺出年7月13日朝頭早舉行，家長其實唔需要有太大壓力，以平常心看待。升中派位重要日期·公布派位結果（自行分配學位及統一派位結果）：2021年7月6日·辦理中一註冊：2021年7月8日及9日·中一入學前香港學科測驗：暫定2021年7月13日#升中公布 #派位結果 #自行分配 #統一派位結果 #2021 #7月6日#盡咗力 #心儀學校 #中一註冊#叩門 #排位結果 #唔理想 #學校叩門#面試 #學歷證明 #學校推薦信 #成績 #獎狀 #文章 #面試模式 #中一分班#平常心 #學科測驗
