🥃So Bar📍尖沙咀加連威老道10號加威中心地下Badboy約咗朋友喺尖沙咀食嘢，見到the one對面呢間So Bar樓底好高，裝修得好有feel，就決定入去飲杯嘢坐吓。🍹BREATH OF JOY $128(山櫻威士忌、熱情果、文冬薑、薰衣草、澳洲西拉葡萄、檸檬)幾靚，岩哂打卡😃面嗰層係紅酒。飲落幾香幾fresh，好易入口，唔太鍾意酒精味嘅朋友可以一試。不過呢杯野有威士忌，如果好似友人本身唔太飲得，可能唔洗一杯已經飲到紅卜卜wing wing地😂 🍸COCO $138（龍舌蘭酒、蜜糖菠蘿汁、墨西哥辣椒、檸檬草）呢杯相對無咁易入口，有種好獨特嘅味道，本身以為有菠蘿汁會有fresh嘅感覺，但其實無，反而有種沉重嘅味道，正正同Breath of Joy相反。 🦞Seafood Platter$299我哋叫咗1set Seafood Platter，可惜今日無蠔，不過都仲有龍蝦、鮑魚、蛽、扇貝。龍蝦多膏，肉質唔韌，食落有龍蝦味，唔洗蘸醬都好食。鮑魚洗得好乾淨，口感唔錯。蛽肉飽滿無砂。扇貝爽口，蘸wasabi食👍🏻 點擊圖片放大 So Bar有室內室外位，室外嘅枱燈係油燈造型，營造出好浪漫嘅感覺，好有情調。而室內就係比較典型嘅酒吧餐廳格調，特別在枱燈、餐具，甚至乎餐牌都好靚。點擊圖片放大 +2
