細細個上公民教育, 都會教下你朝早見到人講句早晨, 買完野講返句吾該. 香港已經比世界成日話我吾地識笑, 我知, 生活到處壓力, 好難笑得出. 如果大家撘小巴, 聽得最多可能會係粗口, 我吾係講粗口吾好, 我本身都係爛口仔一名, 只係通常你會聽到好多人係係度對罵. 其實咁樣有咩意思呢? 如果大家去過澳洲, 你也應該可能曾經和其他背包客討論過一個問題, 就係個度你隨時可以同一個三吾識七嘅人係度吹水. 點解? 我唸其中有一個好重要的原因. 當你去超市或者商店比錢時, 店員一定會問: How are you ? 係個邊係非常正常的. 有好幾次, 我都試過會比錢時同個店員係咁吹水, 也就是從一句how are you 開始. 如果你去一啲休閒啲的地方, 用香港來作比喻會係類似西貢的地方. 啲人經過會同你say hi, 但吾係話要溝仔溝女個啲. 啱啱初去到澳洲, 去cafe 買咖啡. 店員是一個老女人來的, 佢同講, how are you, my darling?嗰一下我真係打冷震. 但其實久而久之, 呢個社會氣氛就吾會多左好多溝通, 吾會個個都吾出聲咁. 係德國, 法國, 當一朝早去麪包店時, 佢地一定會講早晨, 買完又會講多謝, 再多啲可能會have nice day ! 係香港, 我吾係話要同啲三吾識七的人去吹水, 只少都講有返基本禮貌. 係澳洲悉尼, 撘巴士都有一個文化, 落車時同司機講thank you. 香港, 有時啲人追巴士, 司機好心等埋, 上車都未必講一句吾該. 如果大家生活多講一句早晨, 多講一句吾該, 世界會更美好! 希望大家會喜歡今次的分享, 喜歡我分享的請like 我的facebook 專頁 你們的支持, 便是我寫文的動力! 自由人背包記
