🏨海景嘉福洲際酒店 InterContinental Grand Stanford Hong Kong簡單講下今次入住嘅package:💰價錢:~$1600包括:1️⃣免費升級去海景客房* 🌃2️⃣30小時入住 (15:00-第二日21:00)^🕘3️⃣下午茶(takeaway帶返房食)4️⃣雙人三道菜套餐(👇🏻下面會再細講)+香檳 x2 🥂5️⃣雙人自助早餐(👇🏻想知多啲可以繼續睇落去)6️⃣迷你Moët & Chandon 香檳 x 1 🍾️7️⃣迷你士多啤梨macaroon x4粒 🍓*逢星期日至五入住免費升級^逢星期日至四入住今次我地下午4點check-in, 可能因為平日,所以冇咩人唔使等. Check-in果陣問左staff如果方便嘅話 可唔可以儘量安排高層🙈 Staff超好咁俾左高層17/F我地😆景觀超正! 🔜房間:👍🏻房頗大,一張雙人大床仲有唔少嘅活動空間,基本設施都有~Mini bar會有汽水等嘢飲(不過係收費嘅~)落地大玻璃!開揚!拖鞋:大碼、中碼各一,棉質 幾舒服🥰浴室雲石設計,靚!😍最重要係水力夠!大細就中規中矩啦~有喇叭可以播歌🎧🎼房同房之間隔音唔錯(係走廊門口行過聽到隔離房高歌一曲,但入到房咩都聽唔到 (簡單酒櫃+免費咖啡、茶)🥲冇USB位,所以要自己帶charger / 問酒店借風筒風力弱,長頭髮吹頭就要啲時間喇~🌀電視頻道選擇不多(所以我地基本上係冇睇過🤣) 一入房係映入眼簾嘅無敵大海景🌊 直望成個維港,遠眺會展,加埋落地玻璃令成間房好開揚!雖然果日陰天,但都望得好清楚,無論日頭定夜晚景色都係好靚😆真係成個人都心心眼左😍 一邊用房嘅喇叭播歌,一邊望左個海景食個tea set,都咪話唔chill~值得一讚嘅係防疫做得唔錯!😆房門會有張貼紙,代表已消毒,開門果一刻就會撕開證明你係消毒後第一個入呢間房嘅人🥰入到房會聞到一陣檸檬消毒水味,有一包防疫包(口罩 x2、消毒濕紙巾 x4、迷你酒精搓手液 x1)p.s 酒店同海濱走廊都幾近,真係要唱返首「街邊太多人與車」~🚗,所以較低層可能會直望,隨時可以同佢地say hi😊(私隱度可能就會低返少少 + 嘈少少🙈) p.s.2 我地間房係冇浴缸嘅🛁 美景同浴缸不可得兼~舍浴缸而取美景也~🔜食物: 🔻Moët & Chandon香檳外帶下午茶:下午茶用香檳做主題,雖然香檳味唔重,但每一件糕點都好精緻,鹹甜點各具特色🍰🧁甜點個人覺得略為有啲甜 + 有啲溶溶地咁感覺(可能係因為雪櫃擺左出黎一段時間)~整體而言中規中矩,但飽肚!下午茶冇餐具提供,不過應該可以問staff借用~🍽🔻晚餐:📍Theo Mistral By Theo Randall三道菜色香味都好吸引😍主菜份量偏少餐廳枱同枱之間相隔一段距離, 食飯食得好安心~環境舒服,氣氛好☺️🍞餐包:4款,個人覺得最好食係芝麻長條包 🥘頭盤:龍蝦海鮮忌廉湯 濃郁,海鮮味頗濃,配埋餐包食幾好味略嫌有少少鹹🍖主菜: 1. 烤焗澳洲羊架配蕃紅花薯蓉、菠菜及Moet&Chandom香檳汁羊架五成熟啱啱好,羶味唔重,肉質嫩滑,肥瘦啱啱好,仲有啲肉汁包係入面,超好食!👍🏻😆薯蓉都好綿滑! 2. 香檳鮮蝦芝麻菜意大利飯, 配焗大蝦焗大蝦真係好大隻,同埋開埋邊,食果陣好方便🦐意大利飯有少少硬 整體中規中矩 🥧甜品: 熱情果芝士撻芝士撻外皮鬆脆 酸酸甜甜好開胃,上面撒有粉紅色嘅脆脆,夾埋一齊食好好味!😋🔻自助早餐:📍Café on M 選擇多(粥、粉麵、點心(蝦餃、燒賣、珍珠雞...)、各式各樣嘅麵包、飲品、Cereal、三文魚、生果、乳酪... 🥐🥯🥚🍳🥓🍜🍩☕️🍹有廚師新鮮整:煎餃、薄罉、Pancake、各式各樣嘅蛋、粉麵Refill得快除左一般果汁、牛奶、咖啡奶茶之外,仲有氣泡酒🍾味道中上(不過見仁見智啦~🔜 設施:Gym room 同泳池都唔算大。Gym room基本嘅器材都有,但唔知係唔係平日,下午上到去冇人,好似包場咁~ 🔜 服務:無論係前台定餐廳嘅staff都好親切,好有禮貌,有笑容😊 📍尖沙咀麽地道70號方便尖東P2站出見到香格里拉之後向左行大約8-10分鐘就到~✨Overall:地理位置方便 + 包三餐 + stay 30 個鐘 最緊要係個超級無敵大海景!!真係值回票價!🌟🌟簡單總括(5為滿分):景觀-🌃🌃🌃🌃🌃食物-😋😋😋😋服務-👍🏻👍🏻👍🏻👍🏻👍🏻設施-🔆🔆🔆🔅🪖:以上純屬個人真實體驗&主觀意見,純屬分享,食物水準、種類&價格隨時有變🙈 #hkstaycation#staycation