<抗疫之日常> 喺疫情底下，留喺屋企多咗，煮多咗！ 之前一直想煮嘅，而家都可以續一試下煮。 而呢道 #芝士上湯大蝦伊麵 係其中之一！ 食完仲有糖水 #西瓜椰汁西米露 食添！ 材料: 1. 大蝦 9隻 2. 伊麵 2餅 (大) 3. 雞湯 約300-350ml 4. 乾蔥 2粒 (切碎) 5. Mozzarella 碎芝士 2湯匙 6. Chedder 碎芝士 2湯匙 **碎芝士改用2-3片普通片裝芝士都得 做法: 1. 大蝦煎腳+鬚+眼，蝦背界開 (方便入味)，挑腸，洗淨印乾，用少許胡椒粉醃半小時，然後以中細火煎至金黃，備用。 2. 炒鍋/鑊煮滾水，加入伊麵，伊麵一散開，就瀝水盛起。 3. 乾葱爆香，倒入雞湯煮滾，然後加入蝦及芝士拌勻，煮至芝士溶化及微微濃稠，便加入伊麵拌勻，收汁，完成上碟。
