停課無了期，小朋友宅在家，為娘嘅不停煮煮煮，再煮！ 而喺呢段抗疫時期，小b住好食好 (hahaha)，一日食足3餐唔洗講！閒時仲有下午茶同宵夜！ 而家仲想飯後有糖水食，嚷足媽媽兩三日煲糖水佢食！ 材料: 1. 西米 100g 2. 紫薯 500g 3. 椰漿 400ml 4. 水 450ml 5. 冰糖 適量 1) 小煲注入適量嘅水，煮滾後放入西米，中火煮10分鐘 (期間不斷攪拌)，熄火加上蓋焗15分鐘。之後沖水過冷河，瀝水備用。 2) 將紫薯去皮，切粒，中火蒸至熟透，將一半紫薯粒留起備用，另一半用叉壓成泥。 3) 將紫薯泥、椰漿放落攪拌機拌勻。 4) 煲內加入450ml水煮滾，倒入紫薯泥、冰糖、西米、紫薯粒，拌勻，煮滾至冰糖溶化，即成。 #媽媽廚樂 #糖水 #小b媽媽廚樂 #小b媽媽食譜 #二寶孕媽
