小b爸其實同我講咗好幾日,話個人有啲Dry, 尤其早晚,喉嚨特別乾! 見屋企有齊蘋果,紫花果, 咁就簡單煲個生津滋潤嘅蘋果紫花果茶, 一家人飲,滋潤下 蘋果: 生津潤肺 紫花果: 含花青素,有抗氧化同保眼功效,清熱滋潤 材料: 1. 蘋果 3個 2. 紫花果 8粒 (用無花果都可以) 3. 陳皮 1瓣 4. 南北杏 適量 5. 水 約2200ml 做法: 1) 陳皮以清水浸軟刮囊。 2) 蘋果刮去皮上的蠟,洗淨,去芯切件。 3) 紫無花果、南北杏浸洗淨。 4) 紫花果剪開一半。(剪開才出味) 5) 鍋注入水,加入所有材料,大火滾15分鐘,轉小火煲45分鐘,完成。(如果唔夠甜,可加入適量冰糖) notes: 1) 蘋果連皮煲有一定功效。 2) 蘋果需去芯,否則會酸苦。 3) 材料有藥材成份,要了解自己個人體質是否適合飲用。 #媽媽廚樂 #小b媽家常湯水 #簡單食譜 #家常湯水 #涼水 #轉季 #秋天