英國租屋同香港一樣貴到癲左， 所以想自己住只可以得個諗字（妄想！）， 諗番起之前初黎倫敦報到， 第三日就已經搵到屋（其實得間房）， 真係好好彩，因為hostel 都唔係平， 如果一時之間搵唔到地方住，要再續租hostel就會好貴， 住兩星期hostel 嘅錢都夠交一個月租， 初初好怕會搵唔到岩心水嘅屋， 因為本人有 輕微強迫症加潔癖， 幾日都仲冇事～但接受唔到長時間晌好污漕嘅環境生活！ 我地租到依家住嘅地方之前都睇過一間， 污漕衫褲周圍放，d 野又好亂，真係諗起都驚！ 講番我依家住緊嘅Share House，晌 ZONE 3， 我同我嘅 Roommate 兩個人 share 一間 En-Suite， 有自己嘅 沖涼房真係好好， 屋企行去Underground 只係2分鐘，非常近， 附近亦有 Shopping Mall ( Primark, H&M, M&S, River Island)， 電器，家品，超級市場 咩都有，所以真係好方便。 講住咁多先～仲有好多野要爆 XD！ 點擊圖片放大 +2 Facebook Page: Roommate 日記
