【睇到最後有新手選Con建議】話說我之前買咗兩盒Con,第一次戴就中晒伏初頭係咁流眼水,我以為係未適應啦點知戴咗兩個鐘就覺得隻眼好乾好澀頭都痛埋,我即刻去Toilet睇下咩事原來隻眼紅晒,嚇到我即刻除咗 後嚟我上網search係咩情況,我見呢款Con大部分評價都唔錯好多人都話戴得舒服,咁可能係呢款Con唔啱我啦所以呢次之後我就冇再盡信眼鏡鋪/網上推介了因為每個人眼嘅情況都唔同,就算係同一款Con用後感都會唔同~ 給新手的建議:如果係新手,買Con之前最好先認識下Con嘅基本規格咁樣之後揀Con見到呢啲資料都知道係乜嘢嚟弧度含水量透氧度然後再根據自己嘅情況去選擇平時會唔會眼乾 (可以做下眼乾小測試 ~)需唔需要長時間對住電話/電腦Mon/平板不過都盡可能搵一啲會幫你驗眼、同埋可以試戴嘅隱形眼鏡專門店啦咁樣至少唔會買到錯度數、弧度嘅Con,即場試戴仲可以確保戴得舒服先買