今個日本trip總共去左3星期,路線係 東京>福岡>鹿兒島>熊本>阿蘇火山>大分>別府>長崎>廣島>大阪>京都>名古屋>東京 因為東京,京都同大阪之前有去過,所以今次去九州既時間佔大部分.....:D 至於因為忙其實冇時間寫晒成個行程,如果大家有咩地方想知既都可以問我... 今次主要想share下長崎豪斯登堡既onepiece千陽號之行 雖然係有D毒,不過我係one piece fans 其實豪斯登堡算係係長崎同佐賀之間,由長崎過去都坐左差唔多成粒鍾JR...(好在我有PASS:P ) 不過去個日個天灰灰咁,好在冇落雨... 呢個就係豪斯登堡既車站...其實都幾靚 其實豪斯登堡係一個好似迪士尼咁既theme park,雖然我係好鍾意theme park,不過自己一丁友去玩實在冇癮 好在前一晚做左research知道千陽號係freezone入面,即係唔駛買飛入豪斯登堡都可以去既AREA 因為本身張飛都幾貴(好似計返都要5,6百蚊HKD 咁我當然馬上就係正門搭左架transfer shuttle去free zone la 點知一踏入free zone行左幾步就見到佢啦....... 好大架千陽號呀!!! 相都唔得閒影梗係第一時間去買飛先啦! 初時我仲以為上船要好貴.... 點知原來成人都只係需要1000yen, 你冇睇錯, 係1000yen!!! (當時算約$80) 張飛可以用黎上船影相, 而隻船真係會開出去大約20分鐘的! 因為下1班船已經full左,所以要再等多半個鐘先有得上船 咁既然有時間, 就梗係行下個area影下相先啦 千陽號正面 另一面(可以睇到一班船都幾多人架!) 旁邊可以租救生船踩:D 真係會見到海牛架!!