20150121 - 通達小食 姑姑同男友每逢星期3都要去掟鏢比賽，因為比賽前要熱身，所以姑姑同男友都會求其搵野食，亦因為比賽時要飲酒，都唔會選擇食太飽 今日姑姑同男友就揀左係油麻地地鐵站口既通達小食 姑姑上次食過油渣麵，因為姑姑第1次食，唔知本身油渣麵應該係咩味，所以唔知叫唔叫食好，不過味道姑姑就唔係太鍾意，因為冇咩味 今次姑姑揀食車仔麵，入去時聞到佢個咖哩汁好似好香咁，所以都特登加左咖哩汁 姑姑揀左魚皮餃同豬大腸，魚皮餃就好好味，不過個豬大腸唔得，好瘦好冇咬口 個咖哩汁呢，食落去只係食到好少好少咖哩味，個味好淡，姑姑都要再落辣椒油先夠味 而且個湯本身係少少味都冇，只係靠個咖哩既味 姑姑男友就食左第2 D "送" ，叫左腐皮角，冇特別 姑姑男友鍾意食腸粉，所以叫左碟試下 哈！你又估佢唔到喎，好薄好滑，唔會好似出面咁一PAT PAT 姑姑唔食麻醬同芝麻，所以只係有甜醬同豉油，姑姑會將D甜醬同豉油撈均浸住D腸粉，咁做個腸粉唔洗只係浸係D豉油度搞到好咸，因為有D浸完豉油先點甜醬會因為太滑而點得少少甜醬，大家可以試試 姑姑覺得呢度如果只係填少少肚食小食都OK既，不過食車仔麵果D就麻麻喇 今餐盛惠！HKD 32.50 / 人 好味指數：6/10 抵食指數：7/10 服務指數：5/10 地址：油麻地碧街48號地下
