20141211 - 大喜屋 大喜屋一直係瑪姬姑姑好鍾意既放題 (瑪姬姑姑好鍾意食放題)！ 以前係中環已經好鍾意，銅鑼灣開左到而家先有機會去試下 當日同姑姑男友突然想食, 所以當日打去BOOK位BOOK 7:30PM 咦！又有位啵！去到已經見到第1轉客食得7788 嚕 銅鑼灣分店同中環分店一樣 → 都係咁迫 ！ 第1件事，唔洗問緊係叫個刺身先啦 食大喜屋，最緊要既野食：焗廣島蠔！(姑姑好鍾意食蠔架！！) 同係中環分店一樣，都係咁好食！！ 壽司當然唔少得啦(不過姑姑掛住食蠔，冇咩點影D壽司) 大喜屋我另一樣鍾意既野就係壽司既飯唔太大舊，好似姑姑呢D眼闊肚窄既人，就可以叫多D款，不唔會話太飽) 下面係海鹽左口魚壽司同火炙帆立貝壽司 花之戀，呢個就麻麻地，因為姑姑鍾意食好多沙律醬既花之戀多D，唔夠沙律醬就硬係覺得差DD！ 海膽手卷，幾得睇幾得睇，哈哈！味道就普通啦 古法煮牛舌，食落都幾"冧"幾香 姑姑同男友超鐘意食羊的，愈羶愈鍾意！燒香草羊鞍，羶味就冇咩，味道尚算可以 韮菜炒蜆，韮菜味就真係冇咩，呢個比較普通 牛油炒帆立貝，呢個就有DD驚喜啵！平時呢D都係牛油還牛油，帆立貝還帆立貝，總之就唔係MIX度D味一齊。但佢做得幾好，唔會覺得個味係分開，仲好香口添！ 冷稻庭烏冬，姑姑比較細食，呢個都係男友食，不過佢就話麻麻地喇 日本溫泉蛋，之前係第2度食過，覺得連埋個汁一齊食先好食，不過佢個汁好咸，求其食左隻蛋就算 泰式鳳爪，姑姑男友至愛，所以當姑姑發現既時候男友已經食晒... 最後，姑姑其實已經好飽，不過都係忍唔住再ENCORE 個焗廣島蠔 (此時此刻，姑姑男友用好凌厲既眼神望住姑姑：飽就咪鬼食啦！) 埋單盛恵 HKD 523.00 (已計加一)！即HKD 261.50！ 姑姑覺得齊體同中環分店大致上係冇咩分別，呢度招呼都幾多，侍應埶野好快手，姑姑同男友坐張好細既2人枱(大喜屋特色，D枱係超細)，全程都唔會話好迫唔夠位放野。 好食指數：8/10 抵食指數：8/10 服務指數：9/10 地址：銅鑼灣軒尼詩道502號黃金廣場7樓
