[日本。白川鄉] - 熊出沒注意 之 自己嚇自己 唔見鬼唔知自己怕黑，平時上山下海仲以為自己好大膽，當我真係見到呢個招牌既時候終於淆底，再問問附近既居民先知原來最近呢條上去展望台既山坡急道有熊熊出現。簡直就係灰熊山谷。 於是我地行去另一邊既合掌屋，有另一條斜路，同一個標誌，但冇封起黎。沿路行差唔多15分鐘，一路行一路周圍望，標誌教學要嘈住D熊，嚇走佢地，而唔係相反咁安安靜靜扮隱形。 越行越急越行越快，最尾安全抵達，好彩都有個美景補償番。諗番轉頭見到自己咁怕死都幾好笑。 旅行主義 . Travelism https://www.facebook.com/a.life.traveler
