最近真係太掛住日本🇯🇵，近近地就去元朗搵間拉麵小店過下口癮！ 意外地，呢間小店又好高質喎！間小店有別於平時食嘅拉麵店，呢間店係雞湯底，配料唔係叉燒、豚肉，而係雞腿肉，都幾特別！味道係點？繼續睇落去👇🏻👇🏻— — — — — — — — — — — — — — — — — — —我食左沾麵同湯麵，試咗兩隻湯底：【海老味噌】、【黑松露濃湯】每碗麵都有流心蛋、洋蔥、京蔥，重有3大舊雞腿肉。 — — — — — — — — — — — — — — — — — — —🍜麵底：點擊圖片放大 呢到嘅麵底絕對唔係hea，麵身偏粗，硬身有嚼勁，岩哂我，因為我唔中意太幼身同太軟嘅拉麵！我中意呢隻麵底😋店員話呢個麵底係得天浮橋同赤橋先有，其他地方食唔到架！— — — — — — — — — — — — — — — — — — —配料： 流心蛋🥚真係岩岩好，勁流心，超正！雞腿肉有成3大舊！！好嫩，每塊都吸收左湯嘅精華，好夠味！— — — — — — — — — — — — — — — — — — —重點來了！一碗麵最重要就係湯底！【海老味噌】$90（推介） 呢個海老湯一送上黎，隔住口罩都聞到濃濃嘅海老味，超香，好多櫻花蝦，湯底比較濃稠，非常濃郁，沾麵好掛湯，入哂味！呢個湯十分推介！【黑松露濃湯】$108 呢個湯係原來雞白湯底再加左黑松露，本來未撈黑松露之前試左啖雞湯，超濃郁，就算正係食雞白湯底都已經好正！當然有埋黑松露就提高左成個湯嘅層次，中意佢嘅黑松露唔會搶哂雞湯味，濃度岩岩好！— — — — — — — — — — — — — — — — — — —整體來講，係一間幾高質嘅小店，，好食到我地全部都食哂🤣會再黎食！！ ✅總評：（5分為滿分）環境：4/5味道：4/5性價比：3.5/5推薦度：4/5☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆天浮橋地址: 元朗西菁街20號益輝大廈地下12號舖更多分享可follow:Instagram: athena_yanleeOpenRice : sinyan101IG URL:https://www.instagram.com/p/CMj9nQxDv8e/?igshid=1iyvvg8agnai7
