餐廳以白色為主，白色磚紋牆紙掛有一幅幅希臘景點油畫，而玻璃窗邊放置一瓶瓶美酒，配搭綠色植物，環境幾浪漫。另外餐廳設有室外小陽台座位，想Chill 下坐室外都唔錯。 — — — — — — — — — — — — — — — — — — — — 【The Dignity 】$458點擊圖片放大 前菜🥗：煎鵝肝配日式蘿蔔及菠蘿、紅菜頭醃三文魚配三文魚籽沙律、芝士辣根黑松露焗帶子三個前菜都好好味，鵝肝非常有驚喜，煎得好香，入口即溶，配埋菠蘿酸酸地，兩個味道好夾，日式蘿蔔同菠蘿正好中和到鵝肝嘅油膩感！三文魚整得好靚，食落都好新鮮。帶子夠嫩滑，即有黑松露嘅香味。— — — — — — — — — — — — — — — — — — — — 湯🥣：經典龍蝦湯 用杯裝，份量唔係好多，龍蝦味都幾濃，真材實料，如果份量再多少少就好喇😬— — — — — — — — — — — — — — — — — — — — 主菜🥩：澳洲肉眼扒配黑松露薯角 牛扒肉質唔會韌，本身已經好多肉汁，加埋d醬汁，將牛扒嘅味道昇華到另一個層次，我好意個汁😆配菜重有薯角同南瓜，都好香口，不過就唔太食到黑松露味。— — — — — — — — — — — — — — — — — — — — 甜品拼盤🧁：點擊圖片放大 味道唔錯，一冷一熱，分開食定撈埋食都覺得好食😆— — — — — — — — — — — — — — — — — — — — 【燒鱈魚配蘑菇意大利飯】$228 鱈魚外皮煎得幾脆，重有少少汁係面，魚肉都夠滑，意大利飯唔會太硬，係我中意嘅質地！配菜都係有南瓜，成碟份量都算幾多，一個人都夠飽。— — — — — — — — — — — — — — — — — — — — 整體黎講，食set餐會划算d，環境唔錯，店舖小小，但座位之前都有充足嘅距離，唔會覺得好逼，店員服務態度好好，服務同食物質素都唔會差過d高級餐廳，值得支持！✅總評：（5分為滿分）環境：3.5/5味道：4/5性價比：3/5推薦度：4/5更多分享可follow:Instagram: athena_yanleeOpenRice : sinyan101IG URL:https://www.instagram.com/p/CMEfNvNjf7_/?igshid=mxcrb4ebwjb
