深水埗老字號「雪山冰廳」有60年歷史，係長沙灣開左分店。唔知有冇人同我一樣假日中意訓到日上三竿，然後第一餐就係食下午茶，呢日我同老公兩個人就食左三個下午茶餐🤣 （要食三個先夠飽）【避風塘生炸髀配紅豆冰】$38點擊圖片放大 呢個組合真係無得輸🤤🤤 都係香港地道風味，個炸髀炸得好夠脆，滿滿肉汁，不過某啲部分就會乾左少少，最中意佢嘅避風塘味唔會太搶，係岩岩好，而且個底預先切開，食嘅時候都方便d。杯紅豆冰勁正😍😍 紅豆粒粒分明，無煮到爛哂，咬落去亦夠軟綿，又夠甜，好中意呢杯紅豆冰呀！【經典芝蛋牛肉漢堡包】$36 個牛肉漢堡都幾厚身，最正個蛋係流心架，手打牛肉啖啖都非常juicy，加埋蛋汁，簡直多種滋味😋 以上茶餐可+$8 加配粟米雜果沙律/海苔炸薯條我就加左個【海苔炸薯條】 薯條都幾粗身，炸得夠脆，但海苔粉略為少咗啲，唔夠海苔味。【蔥油雞扒撈公仔麵】$38 蔥油份量勁多，蔥油味都係似食燒味嗰種薑蔥味，撈公仔麵都幾夾嘅，不過就覺得油咗啲，可以落少點油。雞扒煎得香口夠味！所有茶餐都送熱飲，凍飲+$3，樽仔奶茶/咖啡+$9我試左【樽仔奶茶】 好港式奶茶嘅味，茶香味濃，又夠滑，我中意😋整體來講，價錢相當親民，食物質素亦相當唔錯，呢間餐廳可以喺區內屹立咁多年，仲開到分店，係有原因㗎！👍🏻✅總評：（5分為滿分）環境：4/5（都幾舒服同乾淨）味道：4/5性價比：4/5推薦度：4/5雪山冰廳地址: 長沙灣青山道413號東景大廈地下4-5號舖地址: 深水埗青山道62D號地舖電話: 23865025=====================
