位於尖沙咀嘅Dazzling Cafe裝修後，多左打卡位，粉紅花牆，重有隻獨角獸🦄️充滿少女心🎀 最近佢推出左一個「雙人粉紅泡泡套餐」，只要食呢個套餐，就有一次扭蛋機會，可以得到Maybelline其中一樣產品，我就扭到支睫毛液，咁岩最近需要睫毛液，抽中左好開心😆 「雙人粉紅泡泡套餐」$198【莓好時光蜜糖吐司】 呢間Cafe嘅吐司都出哂名岩哂打卡又好食嘅，今次呢個草莓🍓蜜糖吐司保持一貫水準，吐司外脆內軟，而且重有甜甜蜜糖味，又唔會太甜，個草莓雪糕係偏酸嘅草莓味，重有粒粒草莓粒，撈埋吐司嘅蜜糖甜味，多重滋味，好食😋【玫瑰蜜香奶茶】（熱） 玫瑰蜜嘅味都幾重，所以係偏甜嘅奶茶，好台式奶茶嘅味！【草莓奶茶】（冷） 賣相非常吸睛，絕對係相機食先，不過味道就略為甜左d，唔多覺有茶味，偏甜奶味。另外，呢個套餐可以以優惠價+$75加購任何意大利麵或台式餐點。我就食左【青醬奶油雞腿意大利麵】（原價$98） 好耐以前食過，今次食覺得好似冇以前咁好食，青醬比較稀，唔多夠青醬味🤔 不過雞腿就煎得幾香口，都醃得幾夠味！總括嚟講，裝修後嘅Dazzling Cafe多左打卡位，今次又有呢個扭蛋活動係幾吸引，但食物質素呢，除左吐司係推介，其他都中規中矩啦，未必會常常再黎食😁✅總評：（5分為滿分）環境：4/5味道：3.5/5性價比：3/5推薦度：4/5☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ 💕Dazzling Cafe (The ONE)地址: 尖沙咀彌敦道100號The ONE 3樓22號舖更多分享可follow:Instagram: athena_yanleeOpenRice : sinyan101IG URL:https://www.instagram.com/p/CLBfVQpDQFJ/?igshid=1ozdmdyowfa10
