餐廳環境方面，大堂金碧輝煌，配埋水晶吊燈，華麗典雅，大堂打卡都夠哂靚❤️ 而餐廳嘅裝修亦係英式設計，雲石餐枱、英倫大梳化，連茶杯茶壺係英倫風，印有玫瑰圖案🌹。點擊圖片放大 呢到嘅下午茶擺盤比較特別，係座地三層架，有半個人咁高，而每隻碟都有靚靚玫瑰花邊，相當適合打卡！點擊圖片放大 可惜現場燈光比較暗，影相都有d難度。雖然打卡未必有其他餐廳咁光猛，但正因為燈光暗暗地先有情調嘛，環境氣氛係舒服嘅，枱同枱之間又有足夠距離，唔會好嘈，約三五知己黎食個tea，傾下計都唔錯呀！— — — — — — — — — — — — — — — — — — — — — 至於食物方面，英式下午茶包括：點擊圖片放大 🍱鹹點：【朗廷三文治】（龍蝦、煙三文魚）個包有點乾，但中間嘅醬係幾好食。【海德公園】（蕃茄忌廉、水牛芝士、原種蕃茄）賣相幾靚，幾中意佢個蕃茄味。【鵝肝醬】（開心果無花果醬甜麵包）有果醬甜甜地，中和到鵝肝果重漏漏地嘅感覺，唔錯！【蘆筍蟹肉撻】（蟹肉沙律及松露）不錯不失，都食到有蟹肉，松露味就唔算好突出。— — — — — — — — — — — — — — — — — — — — — 🧁甜點： 【冬日粉紅淑女】（法式泡芙配果仁糖霜及濃郁柚子）本來滿心期待，因為佢最靚，上面果層泡芙配柚子，係幾好食，有濃郁柚子味，唔會太酸，但下面嗰層配果仁糖霜嘅泡芙就太甜，我食咗一啖就食唔到落去🤭【蒙布朗蛋糕】（千層栗子忌廉、蛋白霜、糖漬香橙及雲呢拿霜）中意香橙+粟子呢個配搭，平時唔太中意食粟子味，但呢個配搭令我唔抗拒。【薩赫蛋糕】（杏仁朱古力蛋糕配自家製杏脯醬）濃郁嘅朱古力味，蛋糕都幾綿軟，唔錯。【紅頰珠士多啤梨撻】（靜岡縣紅頰珠士多啤梨、薄荷奶凍、雲呢拿撻）呢個味道最清新，士多啤梨唔會太酸。【爆脆黑朱古力棒】（黑朱古力配爆炸糖及百香果乾）呢支棒咬幾啖就食完，都幾中意佢呢隻黑朱古力味，雖然最後先食佢，但係食嘅時候都重係好脆。— — — — — — — — — — — — — — — — — — — — — 整體而言，食物係唔錯，你知啦！下午茶有d真係只可打卡，食落唔掂架嘛，但呢間都算唔錯，員工服務又幾好，係等得耐左少少而已。✅總評：（5分為滿分）環境：4/5味道：3/5性價比：3/5推薦度：3/5朗廷酒店·廷廊地址: 尖沙咀北京道8號香港朗廷酒店大堂更多分享可follow:Instagram: athena_yanleeOpenRice : sinyan101IG URL:https://www.instagram.com/p/CKtQiMyjIhN/?igshid=lztf25h5j0mh
