介紹一下cafe裝潢，好有台灣cafe小店嘅感覺，店內以白色和木系裝飾為主，配搭小量綠色盆栽，簡約清新。 餐廳主打選用台灣自家烘焙咖啡豆沖調而成的濃香咖啡飲品，同埋各款台式人氣甜品。 另外，餐廳亦擺放了來自台灣的手工藝品、雜誌。飲完咖啡，可以欣賞下手工藝品，感受遠離繁囂嘅慢活生活❤️ 特別一提呢間cafe有最低消費，每人最少要叫一杯飲品☕️ 呢間cafe 係以咖啡為主打，真係識飲咖啡嘅人可能會中意，可惜我係膚淺地中意飲偏甜咖啡，所以比起咖啡，我比較喜歡呢到嘅蛋糕😬 — — — — — — — — — — — — — — — — — — — — 【草莓奶蓋戚風蛋糕🍰】（假日限定）$58 佢嘅草莓味係我中意嘅草莓味，有d似草莓牛奶咁，又有d似欣欣杯果隻草莓味，一d都唔酸！而蛋糕唔會太乾太硬，都幾濕潤同軟綿，而且賣相又好適合打卡，呢個推介👍🏻👍🏻 — — — — — — — — — — — — — — — — — — — — 然後到咖啡，呢到每款義式咖啡都分兩種：「義式拼配」、「單品義式」 📝節錄一部分menu 的描述： 「義式拼配」：突顯咖啡原的花香、柳橙、餅乾風味。 「單品義式」：表現如荔枝、貝禮酒、酒心朱古力風味 💰價錢方面：「單品義式」比「義式拼配」貴$10 — — — — — — — — — — — — — — — — — — — — 【髒髒Dirty】（義式拼配）$40 一小杯，上層咖啡，下層奶，清晰分格，飲落小小酸，都有咖啡香。 【拿鐵latte 】（義式拼配）$48 酸味比較重，唔似平時飲到嘅咖啡，我自己唔太喜好偏酸嘅咖啡，小妹唔識野，中意飲多奶嘅咖啡多d🤭 所以兩杯比較，我中意【髒髒Dirty】多D😆 — — — — — — — — — — — — — — — — — — — — 總括黎講，呢間小店環境幾好，令人感覺放鬆，不過座位唔太舒服，影相係幾文青，但係食野都會食得幾攰🤭 所以，我去一次就夠了！ ✅總評：（5分為滿分） 環境：4/5 味道：3/5 性價比：3/5 推薦度：3:5 更多分享可follow: Instagram: athena_yanlee OpenRice : sinyan101 IG URL: https://www.instagram.com/p/CKbfOpUj2GR/?igshid=13x1g76x98oby
