呢間cafe 門口係落地玻璃，從玻璃望入去可以清晰見到一個打卡位，有一張藤製鞦韆吊椅，配搭埋綠色仙人掌小樹林🌵加添一種田園風情。 因為呢個打卡位就係玻璃旁邊，日光之下有充足嘅光線比人影相，係一個近乎滿分嘅打卡位呀😛 成間餐廳嘅裝修簡約清新，每張木製嘅餐枱上都擺放了一小束乾花，而且座位寬闊，坐得好舒服，入到去已經覺得呢個環境好適合同姐妹一齊黎食下野、傾下計，係一個可以坐好耐嘅地方！❤️ 食物方面： 【香蒜欖油大蝦豬肉腸意大利麵】$88一上枱，好濃烈嘅香蒜味，驟眼睇意粉份量好多，配料都好豐富！我試左一啖意粉，真係好香嘅蒜味，再加少少香草嘅味道，意粉唔會太乾又唔會濕，個人覺得軟硬適中！唔錯😋 【香烤芝士雞扒菠蘿竹炭漢堡配炸薯條】$88呢個漢堡一見到佢就嘩~~好長嘅碟，第一次見到咁長嘅木碟，有漢堡、薯條、重震有沙律，又係勁豐富囉！個漢堡除左有芝士同雞扒，配料重有菠蘿、洋蔥、蕃茄、生菜，咬落去食到好似千島醬嘅味，重要加塊菠蘿，真係又juicy 又清新，超讚😆 薯條都炸得幾脆，可惜成碟野太豐富，我食唔哂d薯條🥲 【BBQ雞翼】$18/3隻（跟餐價）係正常嘅雞翼，醃得幾入味，都唔錯😋 【熱朱古力】$38（跟餐半價）比大家睇下個拉花，都幾靚，係朋友飲的，野飲不方便分享，所以我冇試，朋友話係正正常常嘅朱古力！ 【熱泰式奶茶】$38 （跟餐半價）呢杯奶茶嘅顏色有別於我地平日見到嘅奶茶，色澤偏橙，我個人覺得味道偏甜，不過就都幾滑嘅！ 整體來講，環境一流，食物方面就主食做得幾出色，小食同野飲就唔算好突出！呢到真係好岩打卡，野食都好食，而且價錢合理，係令人會想再來嘅cafe 😋✅總評：（5分為滿分）環境：5/5味道：4/5性價比：4/5推薦度：5/5店名：Boholic地址: 長沙灣福華街561號君凱豪庭地舖及1樓更多分享可follow:Instagram: athena_yanleeOpenRice : sinyan101IG URL:https://www.instagram.com/p/CKEDiIZDQ_w/?igshid=yneojcgijtdc
