呢間cafe 完全係為少女打卡而設😆 地方夠大，門口右邊落地玻璃窗有幾個位，係角落重有棵櫻花樹可以影相打卡。 餐廳大部份地方以粉紅色為主，粉紅色配木色牆，又有粉紅色椅配白色雲石餐桌，天花吊住雅緻嘅水晶燈，天花有一部分係懸掛住一串串蔓藤同花，連同一個個淡黃燈泡，可以話係相映成趣，別緻又清新☺️點擊圖片放大 — — — — — — — — — — — — — — — — — — — — — — — —食物方面：我揀左兩個Festive Lunch：窩夫全日早餐、脆炸深海魚柳竹碳漢堡配薯條，跟住叫左個花茶同果茶。 — — — — — — — — — — — — — — — — — — — — — — — —【窩夫全日早餐】$128有炒蛋、煙肉、芝士腸、蕃茄、炒雜菌、乳酪、沙律、薯餅、茄汁焗豆、窩夫。 真係幾豐富，呢個價錢黎講算係食得幾多野，而且都好食，炒蛋真係夠滑，薯餅好脆好夠味，特別要講講個窩夫，咬落去係好實在，唔算好厚，都有種蛋香味。好少見All Day Breakfast 會有乳酪，呢個都幾加分😄— — — — — — — — — — — — — — — — — — — — — — — —【脆炸深海魚柳竹碳漢堡配薯條】$89平時食魚柳漢堡冇話特別覺得好食，本身都只係諗住填下肚，冇特別期望，但呢個漢堡係相當有驚喜！😋 一咬落去，好多汁，Juicy！而且魚柳炸得好夠脆，醃得好夠味，而個包都唔會好乾身，係幾軟幾好咬，好食到我好快就食哂🤣— — — — — — — — — — — — — — — — — — — — — — — —【洋甘菊花茶】跟餐+28擺盤好靚，有一朵花🌸又係用黎打卡📸，好貼心重有一小杯蜜糖。 — — — — — — — — — — — — — — — — — — — — — — — —【果茶】跟餐+$3要注意呢個跟餐果茶只有凍啊！味道係正常嘅果茶，都唔錯！ — — — — — — — — — — — — — — — — — — — — — — — —⭐️整體黎講，係一間又靚又好食嘅cafe，要知道唔係間間打卡cafe 都好食，呢間真係唔錯，係會令人想再黎架！ — — — — — — — — — — — — — — — — — — — — — — — —✅總評：（5分為滿分）環境：4/5味道：4/5性價比：4/5推薦度：4/5☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆💛Séan Café & Lounge地址: 銅鑼灣謝斐道535號Tower 535地下1號舖更多分享可follow:Instagram: athena_yanleeOpenRice : sinyan101IG URL:https://www.instagram.com/p/CJdJHo2Dokv/?igshid=1mpcfmhje26ck
