適逢生日，想揀一間有靚景嘅餐廳，一邊欣賞香港美麗嘅夜景，一邊食好西，位於尖沙咀The One 呢間夜景餐廳，真係啱哂用嚟慶祝生日/紀念日🎉，雖然價錢略貴，但係環境、服務、食物質素包你覺得值回票價☺️— — — — — — — — — — — — — — — — — — — — — — — —首先要講一講間餐廳嘅menu 係全英文，所有侍應都係外國人，充滿異國風情😚 【crab cake】$220（推介、必試👍🏻👍🏻👍🏻） 個蟹餅真係啖啖蟹肉，啖啖鮮味，每一啖都係好「蟹」呀！再配埋上面一絲絲嘅脆脆，咬落去有唔同層次，勁勁勁勁好味，食完好想再叫多一個嚟食😍😍😍— — — — — — — — — — — — — — — — — — — — — — — —【Whole Grilled Boston Lobster】$ 690（超正推介👍🏻👍🏻） 我覺得呢個應該係我係香港食過最好食嘅龍蝦 🦞(可能因為我好少食靚龍蝦），龍蝦質感完全唔乾，係又爽又滑，好肥美好多肉，重好多汁架🤤🤤食得出係好新鮮，爆出黎嘅汁係有一種令人置身於海洋世界嘅感覺，講到咁誇張都係想表達真係好好好好味😋😋😋😋😋😋😋— — — — — — — — — — — — — — — — — — — — — — — —【Wooloomooloo Steak】（340g/$570、450g/$765) 牛扒本身配左四款醬汁（紅酒汁、芥末汁、燒肉汁、蘑菇汁），另外侍應會再比4款芥末醬你揀，如果揀哂4款芥末，即係有成8款醬配塊牛扒，好多醬😂不過我覺得原汁原味咁食個牛扒都已經好好好好味，煎得脆身，煎得好均勻，肉質鮮嫩多汁，牛味十足，果然係招牌菜，真係超水準！！👍🏻👍🏻👍🏻— — — — — — — — — — — — — — — — — — — — — — — —【Aussie Punch】$88 【Raspberry Mint Iced Tea】$88 都唔太記得d野飲邊杯打邊杯喇，兩杯都好飲，唔會過甜，正係記得紅色果杯係好飲d😂— — — — — — — — — — — — — — — — — — — — — — — —【French Fries】$80薯條好粗身，真材實料，炸得剛剛好，好脆，配茄汁同一隻辣辣地嘅醬！— — — — — — — — — — — — — — — — — — — — — — — —【Hot Chocolate Cake】$125 即係心太軟，由於係生日，如果有特別order，上甜品時店員會唱住生日歌送甜品嚟，個心太軟都好味嘅，正正常常，但冇以上嘅主菜咁驚喜😬— — — — — — — — — — — — — — — — — — — — — — — —整體嚟講，環境好舒服，個夜景就真係冇得輸，有個露天位置可以比人影相，又可以打卡喇📸而且我去食嘅時候咁啱撞正幻彩詠香江，邊睇邊食，都幾特別🎇加上，侍應服務態度都好好，間唔中會走嚟問下覺得食物滿唔滿意，又好肯幫客人拍照，絕對係慶祝生日/紀念日嘅好地方，間唔中豪一次，一次之後，我食返我嘅平民餐喇😂— — — — — — — — — — — — — — — — — — — — — — — —✅總評：（5分為滿分）環境：5/5味道：5/5性價比：2-3/5（好難比分，雖然貴，但又覺得比得值）推薦度：5/5☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆店名：Wooloomooloo Prime地址: 尖沙咀彌敦道100號The ONE 21 樓更多分享可follow:Instagram: athena_yanleeOpenRice : sinyan101IG URL:https://www.instagram.com/p/CHuzOCjD_YG/?igshid=17zb9likyhzbe
