過往食素食餐廳嘅經驗都麻麻地,所以好少去食素食,但最近見到新派素食cafe ,見呢間都幾多好評,一於就同朋友黎試下!結果真係喜出望外🤩 首先環境真係好文青風,桌椅之間都好闊落,餐廳音樂好chill ,感覺好悠閒舒適☺️— — — — — — — — — — — — — — — — — — — — — 青醬三色螺絲粉 $88青醬味濃,都幾多醬,d醬黏係每一個螺絲粉上面,食落口啖啖青醬,螺絲粉質地適中,係正常發揮嘅菜色!— — — — — — — — — — — — — — — — — — — — — 🌮不可能泰式捲餅 $108呢個係一定要試下,好有驚喜嘅一道菜!味道酸酸辣辣,好泰式嘅味,好開胃,重點係d餡料真係好豐富,我好少食素,之前食過素嘅肉係好冧好冧,唔多似肉,但呢一間嘅肉真係有肉嘅質地,咬下去啖啖肉嘅感覺,而且好juicy ,生菜好脆口,連埋外層捲餅,一咬落去多層次嘅感覺,真係好正!(打咁多字描述就知真係好正!)😋— — — — — — — — — — — — — — — — — — — — — 🍔不可能漢堡包(芫茜版)$138芫茜控必叫!漢堡包係有烘過,外面脆脆地,個肉唔洗講,同上面食捲餅一樣好juicy ,像真度極高,都係令我好有驚喜!不過可能始終係素肉,肉餅唔會好似平時食漢堡咁實淨,食食吓會有啲肉碎跌落嚟。👉🏻值得一提於係平時食漢堡好少會聽到夾芫茜,原來夾芫茜嘅漢堡都好好味,而且芫茜份量都唔少,中意食芫茜嘅朋友可以試下!醬汁方面,係以蕃茄醬為主,好多醬,其實成個包無論係餡料、配料定醬汁都係好豐富!— — — — — — — — — — — — — — — — — — — — — 🍟黑松露蛋黃醬蕃薯條 $68三個女人發雞盲冇睇清楚餐牌😂,原來個漢堡包係有蕃薯條,又叫左一碟蕃薯條,可能個侍應會心諗呢三個人有冇咁中意食蕃薯呀?😂Anyway, 蕃薯條好甜好好食,炸得外脆內軟,唔點醬都已經好好食😋 如果冇漢堡包果半碟蕃薯條,應該食得哂呢碟蕃薯條!— — — — — — — — — — — — — — — — — — — — — ✅總評:(5分為滿分)環境:4/5味道:5/5性價比:4/5推薦度:5/5總括黎講,大家去試下,一定令你回味無窮😛 ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ ☆ 💛素年 (深水埗)地址:深水埗汝州街132號地舖 更多分享可follow:Instagram: athena_yanleeOpenRice : sinyan101IG URL:https://www.instagram.com/p/CGos5uknhdX/?igshid=11kp12182l8cn