話說早兩三個月前去左台灣獨遊左個3日2夜, 係Expedia book嘢果陣見到有間酒店成件事個感覺都好有型,好年輕既感覺, 就上左佢地fans page 度睇,原來係3月份先開既新酒店, 對於鐘意試新野既我二話不說就book 左呢間酒店!! 呢間酒店同西門町都非常近,係錢櫃果邊,隔離左右果啲位.行過西門町都係2-3分鐘既事, 一去到就見到個好有feel 的門口位, 而check in reception 係要搭lift 落一層 去到呢層完全覺得成件事係我杯茶, 首先佢有個好大既Pojector screen係度播緊HBO 啲戲,有好多張好靚既貌似係皮的梳化 點擊圖片放大 有一個位置放左好多杯面,零食,汽水,果度啲staff 同我講全部都係免費可以隨意享用咖.. 另外仲有氣墊球,足球機~其實如果係成班朋友黎應該都幾好玩 因為我果日比較早到左,仲未到可以上房的時間, 咁完成左check in 手續之後就問下個店員有咩好介紹啦(因為我唔係去過台灣好多次) 佢地俾左張好靚的地圖我,又教我點樣行,態度好好~~ 返黎之後個staff 同我講因為編房問題佢幫我由單人房upgrade 左做雙人房 雖然我都係用黎訓,但有間大啲既房都係舒服既 上到去房同相確係一模一樣,有feel! 總括黎講,訓呢2晚都幾好,成個裝修又係我好鐘意既嘢,出出入入去邊都好方便,樓下就有family mart 有咩要買都唔洗走到老蓮咁遠~下次再去台灣都會再翻住 另外都好想分享下用Expedia Book Package真係好方便，而且apps 入面仲會有唔同既tour 可以俾您去book 又會有提醒幾點機 / 幾點要上機 / 酒店地址 / Check in 時間等等，啱哂好似我呢d咁懵既人。<3
