16/1/2021等候時間: 1小時 (我頂…) 等咗半個鐘都未到我, 我就問姑娘係咪漏咗我 (因為試過), 佢話唔係, 因為醫生太多病人, 話再等多一個就到我… 好吧 :'( 其間我聽到有個人因為遲到咗半個鐘, 跟住好似要等返個半鐘先到佢… 等了19個世紀終於到我了. 今次醫生幫我上排再加粗鐵線, 下排右邊再加彈弓彈開D 牙, 令隻牙快D 走返去黎. 仲話下次就可以幫果2隻牙痴釘了~ 其間原來佢問我3次痛唔痛, 但我聽唔到 (因為佢KEEP 住同個姑娘講野, 又泰國口音, 要聽明白佢講野係要好留心), 最後要個姑娘問我XD . 佢話每個人都唔同, 有D 人掂一掂佢D牙都話痛, 佢話我算係好彩的一群😊 其實佢調箍時我係有感覺啦當然, 但又未去到痛, 會有D扯住, 好實的感覺, 但因為調箍都只係10-15分鐘的事, 所以成個過程唔算辛苦.調箍後的感受:- 同上次差不多, 即日晚上仲食到野. 好的就是介子位無事, 壞的就是上排牙加粗鐵線後真係痛咗好多, 下排右邊加彈弓後有隻牙勁痛, 唔小心HI 到都痛.- 第二日三餐用剪刀, 每餐都食得好慢 (一時唔習慣呢), 每一口咀嚼都痛.- 第三日快速好轉, 可慢慢咀嚼 睇相時間😊 紅色就是加多咗彈弓, 好明顯隻牙已經多咗好多位. 上排進一步收咗, 下排都係右2門牙最明顯 但唯獨呢隻牙好似無乜進展... 但其實下排牙已經齊咗好多了 (我箍牙的其中一個主要目的) 右2門牙出來了, 同時都發覺呢隻牙喺之前果30年都無好好咁俾我清潔乾淨, 特別黃. 下次問下醫生箍牙後去漂白會唔會係一個好選擇 (明明唔關佢事, 係都要問哈哈) 呢次影相影得差, 但都可以見到上排門牙真係收埋咗好多了. 未箍牙前都唔覺得上排門牙有問題, 但而家箍緊都覺得, 原來收返入去係靚好多架~ 今次個彈弓好勁, 即晚已經將排牙彈咗條罅彈咗出黎(黃色)! 而本身紅色果條罅係好大, 即晚都幾乎唔見咗, 唔怪得我隔離D牙咁痛啦~ 不知不覺就5個月了~ 其實時間過得好快. 除咗覆診換箍唔舒服頭果幾日外 (當然仲有一次過剝4隻牙果種痛苦), 成個過程都習慣哂了 😊 希望跟住都係順順利利啦~加多句: 早排同朋友見面, 佢話牙齒其實會影響運程, 特別咀部係會影響晚年, 所以30 幾40歲先去箍牙絕對係好岩TIMING, 哈哈, 因為好多人後生箍完但唔帶RETAINER 搞到又要再箍多次, 但往往又覺得好浪費錢/好辛苦/懶而唔到箍. 聽到呢度個心又好過咗D XD下次覆診22/2, 又係6星期, 可想而知間診所有幾FULL ~_~
