返黎講箍牙了 :)12/7/2020 覆診等候時間: 約25分鐘 其間我聽到有人打電話去問D免費查詢期, 已經排到4月… 呢間野個BOOKING真係好爆… 今次醫生幫我喺下排的大牙加多咗隻介子 (用途係乜我又無問, 淨係聽到佢話牙罅開始大, 要加), 同埋上排換咗更粗的鐵線. 醫生話無乜特別, 進度良好 😊 走的時候護士話醫生有聖誕禮品包送俾我 XD 雖然羊毛出自羊身上, 但收到都好快樂的, 哈哈. 調箍後的感受: - 即晚係食到野, 但開始俾新的介子刮到好痛 (痛咗幾日, 要加牙蠟)- 第二日全日都要用剪刀幫手, 因為可能換咗條好粗的鐵線, 上面門牙完全用唔到力, 又痛- 不過過咗幾日又變返正常了 今次無影到相, 因為牙齒位置都係差不多, 下次補返 😊俾張未箍的相大家睇睇:)
