9/11/2020 等咗6-7星期終於有得覆診, 對上果次去到第三個星期D牙已經好似停止移動咁. 當然我都唔心急, 因為好怕, 郁得太快, 牙肉會萎縮. 今次牙醫幫我再換一條粗鐵線, 下面門牙再較過條彈弓, 希望可以再有多D位俾果2隻門牙走返出來. 牙醫一路整, 一路話因為屋企有事所以取消咗放大假 (如果唔係我又要遲多2星期先可以覆診), 感受到佢心情不太好, 不過佢對我依然係態度好好, 好WARM 😊 整完後返屋企食野, 下面果條彈弓介到我個咀HI HI 聲. 頂唔順下午叫牙醫調整下, 整完就舒服哂了 哈哈. (再一次感受到間牙醫只係行10分鐘就到的優勢!) 再睇返D 相, 其實D 牙都真係郁咗唔少架! 前面2隻大板牙已經縮返入去, 成個感覺整齊哂 :) 上面2隻門牙未箍之前係一樣高度, 但箍到第二個月已經左低右高, 問過牙醫, 佢話D牙郁緊係會咁, 箍完唔會有呢個問題出現的.下面D牙就更明顯有改善 - 中間2隻門牙差不多對齊, 旁邊的都慢慢走出來了, 但重未去到可以痴釘, 要再加力. 呢張就再明顯D, 真係整齊咗好多 (之前的剝牙痛, 上箍痛突然覺得好值得哈哈) 側面就見到上面2隻門牙收哂入去. 調箍幾天後的感受:- 除咗果日個彈弓刮到好痛 (大家如果真係好痛好痛真係要揾個原因出來, 唔好死頂, 最少要頂成個月架!), 基本上都係如常飲食. - 開始可以咬到多咗野, 例如連蘋果都慢慢咬到, 哈哈! 不過我係量力而為, 因為:n 唔好講箍牙, 就算正常咀嚼, 如果因為咬太硬東西而令牙齒裂咗, 係90%無得補救, 只能成隻剝咗佢. 詳情可GOOGLE下. 箍牙時用死一邊咀嚼/咬太硬東西, 會令條鐵線走位, 走出來的部份有機會拮住個口, 到時又痛又要去牙醫度搞過. 同埋好易會有鴛鴦面, 箍牙時會特別明顯TIM!- 同之前一樣, D 牙排住隊咁痛, 但痛無初初上箍時咁明顯, 所以食野係完全無問題~
