長話盡量短說自2020年7月底右腰有點痛, 伸延至前腹, 集中晚上訓覺痛醒, 同一起身就痛,完全不能集中工作, 下午會有好轉, 開始尋找原因.- 2020/7/28: 驗血驗尿 – 各樣指數包括肝腎都正常, 應該唔係腎石, 收費1180- 2020/8/7: 痛症開始加劇, 去咗港安醫院睇門診. 醫生照超聲波, 超腸, 話無事. 再睇下尾龍骨, 都無事, 診斷為肌肉痛, 應該係坐得太多無運動. 我有問過醫生會唔會係婦科病, 佢問我經期準唔準 (準), 有無經痛 (有嚴重經痛), 佢話表徵唔似, 所以就咁開藥, 叫我5日後去覆診. 是次收費780 - 2020/8/10: 前一晚痛到訓唔到, 第二朝右腹不停痛, 頂唔順再去同一間醫院睇返同一個醫生(不是我揀的), 醫生今次睇咗我上一次的驗血報告同安排我去照XRAY. 都係話我血同骨無事, 只係肌肉痛. 我問佢會唔會係有腎石, 佢話唔係, 我又問佢會唔會我子宮有事, 佢又話唔係, 再安排我去做物理治療.我話下次先做PHYSIO, 而家返屋企試下做瑜珈睇下會唔會有改善, 7日後覆診. 是次收費1000多.- 2020/8/17: 做瑜珈後痛症改善咗好多, 去覆診安排做PHYSIO. 是次收費180+800.- 2020/9/3: PERIOD 到腰痛返發, 感覺比之前嚴重, 連續做咗3日推拿+FU 藥. 推完後比未推前更痛, 半夜都係會痛醒, 要靠食止痛藥先訓到第二朝. 收費500X3- 2020/9/7: 去試針灸 (其實我好驚), 第一次就暈針, 失敗咗, 但針左後真係舒服咗好多, 果晚訓得唔錯. 其實整個月都有針咗幾次, 同時間中醫叫我去照下子宮, 可能同婦科病有關. 針灸 190/次, 再加4劑中藥150+60 - 2020/9/17: 去咗保驗包埋的盆腔+抺片檢查, 出咗報告一切正常. 雖然覺得係唔關子宮事, 但KEEP 住針灸+運動都係覺得痛, 所以安排埋照子宮, 買個安心.- 2020/10/10: 一早打去問係咪睇婦科(係), 我想照子宮因為腰痛(好), 去到等咗2個鐘先有得睇. 入到去醫生幫我按下陰道同子宮, 我話右邊有點痛. 我一心諗住佢果度有得照, 原來佢只係安排我去化驗所度照, 仲話要等2-3 星期, 因為疫情關係 @_@ 實在有點嬲, 我一早打黎已經話要照, 你無得照就出聲啦…… 最後是但俾咗 D 消炎止痛藥我. 收費390 - 2020/10/15: 終於揾到間真係有得照又唔洗等幾個星期先有位的婦科醫生 (我盡哂力打去其他的, 全部都等2-3星期, 唯獨呢間第二日就話可以照, 但後來睇返BABY KINGDOM 原來呢個醫生好多投訴…. 唉, 不過我諗, 我只係想照下買個安心, 算啦…) 一早出到旺角, 等咗約15分鐘就到我, 醫生一照肚皮就話 “唔怪得之你痛啦, 好大個朱古力瘤呀… 不過你唔洗驚, 好普遍的, 多數係良性… 都有成7-8CM, 要割咗佢嘞…” 個心立即灰咗… ~_~
