17/8/2020 (month 0)上箍比想像中容易, 但原來都幾花時間, 約30-45分鐘.剝牙果4個LONE 仲有血跡, 但牙醫無乜理, 應該都係正常的. 過程大約係逐粒釘痴上去, 又要幫4隻大牙帶介子, 又要吹乾, 最後放鋼線. 全程唔痛的, 係個口開太耐有D攰 😊整完後一合埋口就覺得好怪怪嘞. 好似要用力先可以收埋棚鋼牙, 哈哈~ 同我預期一樣好樣衰 (未上箍都唔見得靚女啦當然). 不過2年後又一條好漢啊, HEHE~點擊圖片放大 去揾護士找數, 今日要俾14000. 佢講解每次食完野要點清潔:1. 擦牙 (有手刷同電動刷): 我用電動, 佢果度有箍牙專用的刷頭, 3個$1XX (唔記得左唔好意思) 我買了 2. 用牙線: 一係用箍牙專用的牙線, 唔會俾條鋼線KICK住. 一係就用水牙線 (HKD 899). 佢話水牙線係最乾淨的. 我果下諗, 雖然係貴, 但都要買的, 因為箍牙係好易會蛀牙, 我怕怕. 但佢竟然話佢果度無水牙線個頭買~_~ 咁就擱置咗了… 然後返到屋企上淘寶揾, 竟然有好多水牙線, 仲要只係1XX, 平勁多, 同埋我用左個幾月效果超好超方便, 真係要強烈推薦下XD 3. 用牙縫擦: 要用L型果隻, 用黎清除鋼線遮蓋住的牙面部份. 牙醫果度賣得少貴, 我上淘寶買左3盒, 平D, 係出口貨, 有排用 😊 4. 用漱口水: 要用箍牙專用的, 可預防白點/白斑. 買了, HKD 98 500ML 之後就係4星期後覆診, 21/9 😊
