同男朋友收工食完飯，我突然好想好想食個甜品，就係附近見到間都幾新下嘅甜品，懶得行嘅我就決定左食佢。 入到去見到牆面有塗鴉，一問之下原來係佢地自己畫，幾有心思 坐低之後好快速咁睇餐牌，一睇見到個菠蘿餐牌，我好興奮啦，因為我係好中意食菠蘿嘅■ 原來呢個仲要係啱啱新推出，身為菠蘿fans嘅我當然就揀番d菠蘿野啦。 我揀左 Mr. Yellow，菠蘿四重奏奶凍。 佢有菠蘿味雪糕，菠蘿蓉，菠蘿奶凍同啫喱。 佢個雪糕個質感係好綿好香，我食得慢，但係個雪糕係唔會話溶曬咁！ 連埋d菠蘿蓉，奶凍同啫喱食，成個口都好香菠蘿味，重點係佢唔會凍得好緊要，啱啱好，好得！ 我男朋友就叫左個夏の菠蘿芭菲。 一樣係菠蘿雪糕啦，之後竟然係爆爆珠啊！！！！！ 佢好貼心咁有多球雪糕，等您可以好盡情咁食，唔使怕到最後冇曬雪糕，正！ 如果對菠蘿唔太大興趣其實佢仲有其他普通嘅芭菲，一樣都好吸引。 我地仲嗌多左杯野飲，咩青蘋果乳酸梳打 佢味就有少少淡，不過d味一d都唔藥水，我就覺得都不過不失嘅。 埋單150左右，好滿足，又方便去，打算下次試埋其他菠蘿 趁佢新推出個菠蘿，中意菠蘿嘅朋友真係要試試佢，真心唔錯！ ----------- 味道: 4/5 環境: 4/5 地理: 5/5 服務: 5/5 抵食: 4/5 ---------- Joyful Dessert House (銅鑼灣) 地址： 銅鑼灣駱克道464號鑽石大樓地舖 銅鑼灣C出口，步行約2分鐘
