尋晚無啦啦好想去貓貓cafe，就約左我男朋友一齊出去 點知去到，cafe超多人，咁唯有放棄啦。 見到就隔離個間個門面幾簡約幾靚，我地又已經好肚餓，就有理無理入左去再算！ 入到去，店內唔算多人，氣氛都幾舒服，好快坐低左就即係叫嘢食。 個staff推介左幾樣，我地已經好餓，見推介個幾樣都幾有興趣，就極速落左單。 佢有超多款啤酒，我就叫左支pear cider， 一黎到佢有埋個杯個感覺係呃like必備 飲落個味道有d似香檳，有少少偏酸，我超級中意！ 重點係佢係啤酒得5%酒精，非常適合做女孩們嘅選擇 跟著就到個唔知咩肉醬肉丸配熱溶芝士 呢個唔講得笑我覺得真係超級好食，我係芝士嘅忠實fans，佢夾埋粒佈滿肉醬嘅肉丸，粒肉粒又勁juicy，我勁like！ 墨西哥烤雞餅 佢有d酸忌廉喺面襯托番，我覺得又出奇地夾，不過呢樣野好因人而異，因為我男朋友就唔係好喜歡。 到個主角啦，蒜片唔知咩扁意粉 佢一夾起啲雜菌嘅香味就湧曬出黎，係雜菌啊！！！！ 仲要超足料，我哋都勁like！ 海鮮燴意大利飯 佢有半隻龍蝦喺面，仲要真係有非常多嘅膏，幾鮮甜，仲有青口帶子八爪魚同隻脫殼蟹鉗，個飯都幾濃味。 最後埋單每人都係三百幾，食氣氛食埋龍蝦呃埋like，呢餐真心抵，佢喺連d小食都好大份，我地兩個食到飽曬，啱曬3,4個人黎聚下，地理位置又方便，goodgood！ 吃吧 (旺角) 地址： 旺角彌敦道566-568號僑建大廈2樓2室 油麻地A2出口，步行約2分鐘
