唔知係唔係大部分人都好似我咁, 一諗起北歐,腦中就好自然咁諗到係coffee shop 飲下咖啡,睇下書咁就過左一個悠閒下午 (當然~如果有個靚仔走過黎hi我, 而我咁大方一定會好好同人認識、認識架,嘿嘿) 講返先, 跟團去旅行, 仲要係北歐tim…心諗一定可以好hea, 真正黎一個充電既旅行…點知…點知…我錯啦 ORZ ♪ 心裡極渴望~希望留下伴著你♪ 大家都應該好明白…係無野做既情況下，旅行團一般既自費活動你係點都會參與架，一早我地就決定玩雪上電單車+ bon fire，我仲好神心咁去換國際車牌 (啦…下次醒啦! 雖然活動講明要有車牌先玩得,但係成個過程係無人check 既) 成個活動是咁的: 小鎮出發去郊外、樹林, 黎個bon fire 休息再返轉頭, 活動大約2-2.5小時 因為個團比較多人,一個跟一個咁出發, 有快有慢, 所以我地唔單至無好深入森林，連回程時教練都無放一段路飛快車…嗚嗚… (戴頭盔: 可能有得飛車我又會怯) 好,講下bon fire先…講白D就係一大班人係負唔知幾多度下企係度圍住個火, 而D工作人員就一邊分派熱騰騰既berry juice , 一邊烤腸同餅俾大家食。我覺得開心同暖心架…大家又可以同芬蘭人傾下計咁~ (不過依然好凍) 北歐戶外活動凡事由穿衫開始:衫褲鞋襪手套頸巾頭盔面罩都由大會提供，著到好似隻稯就對了 ⊙_⊙ 揸車0技術如我都handle 到, 因為基本上你只會向前去 (有教向後,不過用不著)，不過個wheel 係咁左右擺…要保持平衡唔炒就要出D D力啦，因此嬌小既我玩完真係好好好很累 www 揸個時D雪係咁迎面而來,眼睫毛又粘左唔少雪花, 其實甚有電影裡頭就凍死既feel; 玩完成個面罩都係口水…真心有D嘔心 (如圖) 不過唔玩你又會後悔呀!!!
