打到第10篇,不如講下其他野啦~創業嘅野都係人夾人,人夾人,人夾人,再make money,都係果啲,都係果類。暫時諗唔起啲激氣野。XDD 今次小弟想講下:台灣VS中國 (印象篇) 好多人潛意識一定覺得台灣好過中國。嗯。。。其實兩個地方真係唔差得好遠。台灣一樣好多地方都好落後,都一樣好鄉下,都一樣無水無電,都一樣有豆腐渣工程。都一樣有黑心工廠,都一樣有黑心食店,都一樣地方唔衛生,都一樣有變態佬,都一樣有殺人狂,都一樣多小偷,都一樣無文化等等。都一樣。但偏偏大家去旅行都去得好表面,睇嘅層面好表面。嗯,小弟覺得係媒體影響。嗯~的確台灣嘅普通話係聽起來柔和啲,女仔講野又嗲啲咁。嗯,其實係因為大家未同過台灣人吵過姐。 小弟幾年前係台北做過受薪學徒(藝術類),學徒少錢就梗架啦。不過兩年經驗或以上嘅老師父/技工都只係人工高我些少,講緊都係45百蚊港紙一日左右,番0830至1800,包晏晝飯。間公司係台北捷運站南邊,再轉承巴士45分鐘,再步行15分鐘才到。當時小弟住朋友家,在公司附近,打的不用20分鐘就到。去到果下完全汗顏,係門口企5分鐘就已經出汗,當時係7月,正直夏天。工廠區,鐵皮屋,有大風扇工業用,不過當地人無危險意識,佢地因為貪方便唔想洗扇cover,所以拆左個cover。講緊個風扇,直徑有一米果種。即係有人唔小心經過仆左落去,或者人地想你死推你過去,你會被果把郁得好快又好利嘅扇頁,切到就會4分5裂。而呢類無cover嘅風扇,有兩把,好矛盾嘅位係you have no choice,熱就要開,但開左都唔代表涼快,只係唔俾啲熱氣咁焗住係鐵皮屋內,所謂有點流通嘅空氣流。老闆房同locker位有冷氣。但冷氣溫度只係比較涼,聽佢地講係因為鐵皮屋太熱好易壞,開到最凍都無料到。電壓又唔穩定,會無啦啦停電。通地都係釘都已經係好少事,插到腳板底穿窿爆血,佢地都習以為常。無錯,係習以為常,明知但唔會改嘅。唔會叫人買安全鞋嘅,一係就性別歧視只有男工鞋,沒女工鞋。當年有個阿姨,都西口西面as always,但佢又無辦法因為學歷唔高,只有做苦工。全公司得阿姨係女人,無良嘅老闆為左慳錢連廁所都唔搵人番來清潔,阿姨係女人點都要去個有門嘅廁所。就連清潔劑都要阿姨自己淘錢,廁所又要佢洗。全公司得一個廁所,急都要去無分男女廁,都係踎廁,臭到怨,放水果下見到好多飛飛下嘅昆蟲湧上黎。潔辟如我真係人都癲,但again, you have no choice. 一係賴,一係痾。 可能睇到呢度,或者覺得我吹水。你可以試下我果間打下工架。聯絡我呀XD Overall, 台灣人售貨係服務態度好啲嘅,正確啲係好過香港少少only. 都一樣會西口西面無分別。只係你未遇過姐。人同人相處好奇妙,你點對人,人點對你。所以你覺得台灣人好,因為你果刻對人係好。再台灣係好啲嘅位係,怨氣少啲,份工雖然錢少,但果度嘅生活水平風儉由人,想住大少少套房,只要搬遠少少就已經有唔貴,都係揀地區。唔似香港,所有野都貴,衣食住行都貴,但人工無加。千萬豪宅買一個三四百幾尺嘅單位已經。。。之所以香港為最球最sad city,實至名歸。 Again, we have no choice. 土地都係得咁多,人就愈黎愈多。想選擇嘅,只有離開香港為皇道。離開唔到嘅,就搵辦法令自己開心。香港人係有小小強嘅精神嘅。加油。