創業友之我定義係唔打人地工，又有包裝另一個名或者牌子或公司名黎做自己野果啲，一分公錢一分貨都係靠自己雙手自己牙交傾番黎。之但係，老老實實有無正式開公司，都可以叫創業友，亦都係有分堅持同唔堅持。 小弟識啲創業友，自己同partner開公司，事實係各自各搞自己野，生意自己諗自己做，好搞笑但其實好普遍。可能熱血左果一下，共同理念左果一下，就係果一下嘅衝動。又之後夾唔黎，但又未至於要拆伙，又keep係度，一齊分下租咁，分擔下啲水電租同請partime。 小弟同佢地呢類公司嘅人夾過，嗯～其實佢地嘅想法真係好多，又好似好work，佢地包裝到自己好數據人，咩都睇research，又市場分折果啲。初頭，係真係被拖到落搭。因為大家都相信數據，數據係我地嘅中間人。不過當你以為everything settle，可以起飛果下，你會發現，原來又一個騙局。所謂騙局，唔係厄錢事件，係誠信問題。當初開會傾到幾咁天花龍鳳，講到好有願景，到做果陣就闊佬懶理。嗯～小弟傾向會俾人兩次機會，以為第一次可能大家未磨合到，第二次係好左不過又唔差好遠。小弟唔服輸嘅性格，會整一次自己host分野俾佢地做同傾，呢次通常就真係見真章。果啲會走數嘅人會繼續走數，不過因為自己host嘅關係，可以一直調節同預先通知左會隔星期例檢（對！小弟係幾harsh) 。所以at the end都會workout到，起碼一個月（灰）。試驗階段會一直有人要走，因為我落實嘅野太harsh，佢地接受唔到。NO～正確黎講，係佢地又想參與分一杯"更"，又唔想承擔自己開會承諾左嘅責任。再坦白啲形容，有著數先會中埋黎，無著數就byebye你條尾。人性呀～～ 好多事實都講，啲projects唔好人做你又做。所以會傾向創新嘅project, 係一啲人地未做過或者未諗到，我地先想做想試下。呢類野預左可能食白果，大家一開始就已經知。 所謂嘅創新，就係創造新野咁解。初頭大家都係抱住for fun，起碼試左唔work唔後悔, 最多咪白果嘅心。但係又有幾多人會堅持？連一個月都堅持唔到，真係令人十分 O mouth。果班人學咩人講創業呢？ 算啦，前題利伸，因為大家都係香港人，大家都往錢看。係由細到大所學嘅野，要怪誰？怪教育制度！怪政府！我地呢班80後係填鴨式被洗腦嘅一群，係大個左見識又多左先想推翻啲我地認為唔好嘅野。先話要創業呀果啲姐。呢個風氣會愈來愈勁，人人都講追夢。媒體都幫緊你洗腦。創業，係香港比任何一個地方都困難，土地係一個大問題。香港人就係輸在起跑線上。租地方要平，一係遠到一個點，車錢車程要賠上。一係近屋企嘅，但得幾十尺又講緊二千幾租嘅檔房囉。再，政府唔support藝術。佢support嘅係創科，創意科技，講到尾都係錢作怪。搞藝術嘅我地，唯有做隻打不死嘅小小強。加油吧大家！
