點解要寫嘞篇分享？因為我都知牙痛嘅辛苦，所以就想分享一下自己嘅經驗俾d有需要嘅朋友，可以少行d彎路。 講翻正題，因為自己有隻蛀牙蛀咗好大隻牙隆，食嘢嘅時候就會塞d嘢入去，不過自己平時早晚都有刷牙，而且差唔多半年會去衛生局洗牙，所以就冇去理睬。後來有一日突然之間牙陣陣痛，尤其是晚黑訓覺嘅時候，就算去藥店買消炎藥食都冇用，我就知道要去睇醫生啦。 首先又係去嘅衛生局，衛生局話要做杜牙根，但係佢地轉介紹我去山頂，山頂的確都好，但係太多人啦，排隊可以排到明年。於是乎我去咨詢澳門牙醫，高士德，葉康等牙科診所，面診就要$130-$200，做杜牙根大概係$4000-$5000，仲未算要做牙冠嘅錢，太貴啦，所以我又去搵大陸嘅牙科，後來係fb睇到有人推薦一家港式嘅牙科診所叫做維港口腔，於是乎就聯繫book咗時間過去。 之前疫情唔嚴重過關都快，來到診所拍片先發現自己嘅牙已經蛀到牙髓啦，而且仲發炎，所以補牙已經冇用啦，好在嘞度杜牙根費用夠平，$800人仔就可以。不過就係比較麻煩，自己前前後後去咗幾次。 第一次：醫生話我有炎症，所以要先開牙隆，填d消炎藥入去，之後等一個星期複診。 第二次：醫生話要殺死d牙神經，今次嘅治療係我覺得最痛嘅步驟啦，因為佢要打開之前封藥嘅隆，之後用長嘅鉤清理牙齒入邊d腐質，之後又再封殺神經嘅藥，嘞度要注意及時複診唔好拖太耐！ 第三次：殺完牙神經就到咗清牙根步驟，嘞到就要打麻藥，對麻藥不敏感或者有過敏史嘅朋友要注意啦！清牙根就有d小小嘅痛，不過都冇過隻電鑽嘅聲嚇人，好再一切都順利，後面就係摞材料封洞，到此過程大概就結束啦。醫生建議話最好做翻隻冠來保護，唔係嘅話隻牙就比較脆。我就諗住翻去考慮下就未當場決定，所以佢就叫我進排冇咬太硬嘅嘢，有問題要及時翻來複診。 杜完牙根到宜家都冇出現問題，而且都唔再痛啦，所以話齋一個好醫生幾重要，當然我係睇嘞度夠平靚正而且服務態度好先來嘅。後來都係諗多咗下，要去整翻隻牙冠，唔係到時候整到要剝牙同種牙就大禍。
