導致人類滅亡既原因不外乎兩個:天災同埋人禍香港以至全球都面對緊一場前所未有既世紀疫症。有d國家好果斷甘應對,而有d地方就設法隱瞞。由年頭到宜家,唔知死左幾多人,引起左幾多衝突。仍然有好多人唔肯注重衛生,問心就算我唔係有份去前線抗疫我都覺得心好累。今日唔講口罩有幾work, 唔講病毒有幾毒,今日我地講下人類係咪應該要滅亡。係達爾文既進化論入面,Natural selection既意思簡單黎講就係"適者生存”。呢個概念係指原本同一個物種有好多唔同既樣,後來因為環境改變而令到呢個地方得番有結構/生理優勢而存活下來既亞種,佢地既基因可以繼續繁衍後代。Selection stress 可以好多元化,通常係氣候或天災,例如突然溫度改變,亦都可以係疫症。而適應唔到既物種就會被淘汰,絕種。 我地估且好乎合國情地當呢場疫症既發生係天災先,我地呢代人正面對緊既selection stress 就係COVID-19疫症(病毒係雀仔,而我地就相當於唔同顏色既老鼠。灰色就係自律既人,橙色係邊種人就自己諗~最恐怖係橙色老鼠太多會增加灰色老鼠比雀仔搵到既機會)。我由三月已經開始諗,呢個係對我地人類免疫系統既考驗 ,定係人性既考驗。人類係咪會滅亡? 好多宗教都有記載上古既神因為人民愈來愈腐敗而要發動大洪水清洗地上既所有罪孽,再睇番而家大家既模樣,我愈諗就愈心寒。 我地黎睇下呢單疫症下既眾生相:-某地方政府拉左個最早發現COVID-19疫情既醫生話佢散佈遙言-某城市市民趁封城前發住燒搭飛機大逃亡-某個地方政府扣起運去重災區既抗疫物資自用-某國家出口得30%準確既快速測試劑-黑心企業整假口罩/不合格/重用口罩-黑店坐地起價,天價貴賣防疫用品-有不法份子網上行騙賣口罩,比完錢冇貨收-為過骨食肆購入永遠都係36.5度既探熱槍-不良商人趁機售賣各類科技產品,誤導公眾其產品具有殺滅冠狀病毒的功能-懷疑有人為提高銷售業績發放虛假消息指日用品將會短缺導致瘋狂搶奪潮蓆捲全球-唔封關,豁免同胞檢疫-叫人家居檢疫結果惹埋屋企人-檢疫期間出街食飯-某d紀律部隊無視限聚令,成班人收工去食宵夜仲要爆人樽-廢老唔戴口罩出街仲要隨地吐痰,惹到番屋企害死全家人-疫情期間酒樓開party,載歌載舞-唔戴口罩去買老麥仲要郁手打人-唔戴口罩搭的士仲要冒警-反轉口罩黎戴,發現戴錯再反番轉-用完口罩/紙巾隨地掉-有d公司不務正業投機炒賣口罩,迫員工放冇薪假我地身處既世界有好多心地好差,好自私,冇知識又唔聽教既人。如果你係神,你覺得呢班人值唔值得活下去?或者呢個歷史循環。呢個程況可以解釋到點解我地既歷史斷開一節節,點解會有d文明會一瞬間消失。