真正殺死人既唔係病毒，而係政治、社會文化同人民既劣根性。 估唔到一個肉眼睇唔到既病毒，令我地係好短既時間內見盡人性既醜惡同行政機構荒唐既處事態度。以為收收埋埋冇人知就可以大事化小小事化無既政權、極易被誤導又極速反應既同胞、又自私又唔合作既病人、趁火打劫仲要賣假野既藥房、網上口罩訂購既騙徒、排勁耐隊都買唔到口罩要拆人地鋪既廢老、on9既防疫機制... 酋長早前已經出過post指內地永遠出事都封鎖消息係會令到疫情一發不可收拾。果然，武漢封城，湖南亦都相繼傳出有禽流感，連狄爽都認低威話會同國際聯手抗疫... 另外，市面上充斥住好多無良商人趁機發國難財，炒賣口罩及誤導市民購買不合適、不合標準既口罩，需要既人冇得用。甚至有d低能議員叫人去蒸完個口罩番用，甘都講得出真係好肉酸。 其實大家都可以好容易就搵到關於武漢既醫院入面既程況，一街都係冇戴口罩既人塞左係個醫院到，地上既屍體冇時間處理，內地律師陳秋實早前亦都係佢既視頻話見到醫院門口成地都係用過既口罩，d老人家照樣隨地吐痰。 安全既環境，嚴謹既衛生規格唔係戴左個口罩就做到。若果病人懂得正確既個人衛生概念、顧及自己同其他人既健康，口罩既保護性先能夠得以發揮。 早前醫管局既記者會都有交代過口罩既規格其實冇一個統一既標準，到到地方都唔同，所以酋長都冇辦法話你知邊d係合格。酋長都明白大家咩都搶，覺得就算唔合規格既，都係有好過冇，所以關於選購口罩我只可以作以下既提醒： 其實正確既口罩用法係：病人戴外科口罩去保護身處既環境免受飛沬污染而N95 口罩係保護健康既人免受環境存在既病毒/細菌感染。 好多uncle 都唔識用外科口罩，記得鐵線向上時摺疊縫向下、 深色果面係向外，不過如果你已經內外反轉左就算...唔好再即刻反轉用番... 用N95前需要做一個測試去證明你用該款既N95可以得到原廠保證既效能。你冇做過fit test 就去用N95，等於比錢買唔確定既保障，錢又比左，未必保護到自己又鼓吹口罩既炒賣情況。 [embed]https://www.youtube.com/watch?v=kqj96QNAlpA[/embed] N95 測試過程 根據美國FDA既描述，NIOSH標準下，N95既規格係指該口罩可以係惡劣環境下最少可以阻隔95%直徑為0.3微米(300nm)既冇特別屬性粒子。新型冠狀病毒(2019-nCoV)直徑為0.06-0.14微米(60-140納米)，禽流感病毒(H5N1)直徑為0.08-0.12微米(80-120納米)。姐係話，就算N95隔到飛沬，都唔可以保證完全隔晒真係條條fing既病毒。所以戴住個N95都唔代表你好好抽。 NIOSH口罩過濾效能分類 有其他人話防毒面具加P100濾綿可以隔病毒，其實P100呢個數都係NIOSH既指定0.3微米(300nm)既粒子去做測試。P100既意思係可以最少阻隔>99.97%直徑為0.3微米包括油性粒子。如果你既目的係隔飛沬就ok但佢亦都唔係包生仔隔到病毒，另外要拆除清洗都好花功夫。 暫時時市面上未有完全可重用既防病毒口罩，如果網上有得賣就要小心中伏。即棄式口罩不能消毒再用。有D網店甚至話有antiviral既口罩賣，大家就小心D。 口罩既處理同洗手既操作都會好影響你會唔會受到感染。詳細內容請參考以下連結： [embed]https://www.youtube.com/watch?v=VkCNnNWLEq0[/embed] [embed]https://www.youtube.com/watch?v=h7z9Z41azuk[/embed] [embed]https://www.youtube.com/watch?v=YGSbWriRl6U[/embed] 請大家出街前要衡量自己個口罩有幾好抽。
