雞肉條配蜜糖燒烤醬，有6條炸得金黃香脆的雞肉條，好多好脆且不油，即點即炸夠熱辣辣。 炸得唔乾，咬落仲有肉汁，驚喜位係雞肉都嫩，配濃郁味道的蜜糖燒烤醬，惹味得來帶點甜味。 牛油果醬芝士薯條，份量頗多食完的確飽肚，但由於牛油果醬加了檸檬汁提味又清新，可減輕芝士薯條的膩感。 混合香濃芝士醬及酸酸地又口感豐富的牛油果醬配薯條食，味道一流。 鵝肝牛肉漢堡，唔好睇小個份量，夠2人分享，食完好滿足。 漢堡包經烘過，微脆帶暖又厚身，可以包著鵝肝牛肉漢堡食。材料亦非常多，夾著超厚的牛肉漢堡、鵝肝、蕃茄、生菜、芝士、千島醬，有成隻手掌咁高，放下斯文，大口吃吧! 牛肉漢堡味道濃重，多肉汁而鬆化不易散，牛味重且偏咸，配油潤甘香的鵝肝，味道剛好，而且肥美鵝肝令味道久久不散，令人回味。配搭多汁清新的蕃茄同生菜，口感味道都平衡返，餐廳仲有其他款漢堡，龍蝦漢堡也非常吸引。 自家製蜜桃冰茶，有桃肉粒又有果香，微微茶味好清爽，夠哂冰凍好解渴，食完熱氣或油膩野，飲一啖即時清爽返，可以再食過。
