我阿媽成日講笑咁話佢隻腳或者膝頭哥仲準過天文台，只要一返風落雨就肯定會痛。睇完醫生先知，原來係佢長期做家務、拎重嘢，加上平時企得多，姿勢又唔好，最後搞到生骨刺。而家仲痛到連訓覺都翻唔到身，樓梯都唔敢行，成個人情緒都差晒。後尾好彩用咗「飛鷹活絡油」，幫到手舒緩骨刺疼痛！咩係「骨刺」？骨刺又叫做「骨贅」，簡單講就係關節入面軟骨，因為磨損、勞損，或者平時姿勢唔好，再加埋年紀大，令到骨頭異常增生出「凸出物」。通常會出現喺經常需要郁動或承受負荷嘅關節，特別係膝頭、盆骨、脊骨或手部等。骨刺影響唔止痛咁簡單唔好以為骨刺淨係痛咁簡單啊！其實，骨刺會壓住神經線，令到血液循環差咗，分分鐘影響你成個生活。最明顯骨刺痛會令到你的關節有麻痺感，真係企又唔係、坐又唔係。當骨刺生長在唔同地方，對生活的影響都好唔同！好似頸椎生骨刺，隨時搞到你隻手麻痺晒，膊頭又硬又緊，有時連攞嘢都無力！如果骨刺生喺膝頭哥附近，行樓梯上上落落都好似揹住石頭咁，腳步沉重，行路都覺得困難。骨刺唔止影響身體，仲會影響你個心理！長痛會搞到你晚晚瞓唔著，好似數綿羊都數到天光咁，第二朝都無晒精神。周身唔聚財，想做吓運動又唔得，想行吓街都嫌攰。長遠落去，個人自然就情緒低落。所以一定要諗辦法舒緩骨刺疼痛。邊啲人容易生骨刺？講咗咁耐骨刺有幾麻煩，咁到底邊啲人會特別容易中招呢？我都做咗功課，原來有幾類人好容易生骨刺：老年人：隨住年齡增長，骨質逐漸退化，骨頭更容易受到磨損，增生骨刺長期重複特定動作嘅職業人士：例如廚師、建築工人，經常重複相同動作，會加速關節磨損，更容易引發骨刺。體重過重者：體重過重會增加關節，特別係膝蓋、髖部同脊椎等地方嘅負擔，增加生骨刺嘅風險。曾有舊傷者：受過傷或者舊傷未癒合嘅人，會導致關節更加脆弱，容易形成骨刺。舒緩骨刺疼痛大多數骨刺初期都無明顯先兆，所以好難察覺。除非去做X光檢查，或者要等到出現關節或者特定部位持續疼痛，先會發現原來係骨刺。唔同部位嘅骨刺，痛感都唔一樣，例如：手腳麻痺、關節僵硬、腰痛、肩頸痠痛等等。如果發現有骨刺，唔使灰心，好多方法都可以幫手舒緩疼痛！飛鷹活絡油就係一個唔錯嘅選擇。飛鷹活絡油蘊含天然中藥，當中三七、紅花、四生等成分具有活血止痛嘅作用，能有效舒緩骨刺疼痛。只要喺痛點搽活絡油，你最先會感覺到痛嘅程度慢慢輕咗。以前痛到好似俾針拮咁，依家可能變成好似蚊咬咁，冇咁「拿」咁「冤」。同時你會發現痛楚可以快速舒緩，唔會再痛足幾個鐘，又或者痛足成日。當你冇咁痛嘅時候，手腳會冇以前咁「硬」，去公園散吓步、做吓輕量運動，又或者煮飯、執屋都冇咁辛苦。當身體冇晒咁多負擔，個人自然瞓得好啲，醒神返晒。 六招教你預防骨刺、保持關節健康！最重要就係預防勝於治療！想避開骨刺嘅困擾，或者減輕佢嘅影響，可以試吓以下六招：保持正確姿勢：平時唔好長時間彎腰或者駝背，盡量避免長時間坐或者企，咁可以減少關節長期受壓。規律運動：可以做低強度嘅運動，例如游水、瑜伽等，有助加強肌肉力量，減少對關節嘅負擔，又唔會太傷關節。均衡飲食：攝取足夠嘅維生素同礦物質，特別係鈣質同抗氧化物，有助保持關節健康，減緩老化過程。保持理想體重：可以減少對關節同脊椎造成額外負擔，降低生骨刺嘅風險。適度伸展：每日做簡單嘅伸展運動，有助保持關節靈活，減少僵硬，避免長期固定姿勢。配合舒緩產品：如果已經有唔舒服，可以試吓搽飛鷹活絡油喺疼痛位置，配合按摩手法去放鬆肌肉，加強血液循環，並舒緩骨刺疼痛，作為日常保養嘅一部分。
