< 日本東北紅葉之旅 > 又到秋高氣爽好季節，秋天咁好既天氣最好就係欣賞秋色，好耐好耐以前已經好想去日本東北睇紅葉，東北自然風景加上紅葉美景絕對係一個非常美妙既景色；一早知道東北地區紅葉時間大約係十月尾，九月頭買好機票正式計劃東北旅程，不過今年日本東北氣溫比往年熱，紅葉時間亦都比以前遲，所以出發前都預左今次旅程未必見到最靚既秋色；一路有留意唔同既紅葉預報，盡量配合一下紅葉時間，希望今次旅程可以見到靚既秋天風景 日本東北紅葉之旅（青森﹑秋田﹑山形﹑宮城﹑福島﹑茨城﹑群馬）十天行程： Day1： 香港 - 築波山 - 東京 Day2： 東京 - 伊香保溫泉 - 角館 Day3： 角館 - 抱返溪谷 - 秋田內陸縱貫鐵路 - 大館 Day4： 大館 - 八甲田山 - 蔦溫泉 - 酸湯溫泉 - 弘前城 - 青森 Day5： 青森 - 奧入瀨溪流 - 十和田湖 - 仙台 Day6： 仙台 - 松島海岸 - 山寺 - 山形 Day7： 山形 - 藏王山 - 山形 Day8： 山形 - 鳴子峽 - 會津若松 Day9： 會津若松 - 只見線 - 會津若松城 - 東京 Day10： 東京 - 香港 二零一八年十月 第一天 凌晨時份由香港出發飛到東京，一朝早落機就開始日本旅程；今次旅程雖然有十日時間，但東北地方非常大，青森﹑秋田﹑山形﹑宮城﹑福島﹑茨城﹑群馬縣都會遊覽，行程非常緊迫，為左睇到靚景辛苦小小都唔緊要 一落機就去到茨城縣築波山行山，山頂風景好開揚 第二天 群馬縣伊香保溫泉依山而建，環境又特別又靚 第三天 青森縣角館武家屋敷一帶葉仲未轉紅，仲係一片綠油油 抱返溪谷有少少葉變色已經覺得好靚 秋田內陸縱貫鐵路沿途欣賞田園風光 第四天 青森縣八甲田山山頂紅葉已經冇晒，山腰位置可以感受到秋意 蔦溫泉又紅又黃，色彩豐富 浸完酸湯溫泉仍個人都係硫磺味 夜晚弘前城好冷清 第五天 奧入瀨溪流就好似童話世界一樣，全個世界都係黃色，一路行都覺得好唔真實 以十和田湖作結，為奧入瀨溪流畫上完美句號 第六天 宮城縣松島海岸係日本三景之下，可惜落住大雨冇咩靚景又冇咩心機行 行上山形縣山寺可以見到山下小鎭風景 第七天 藏王山山上大風大霧，好幸運見到御釜一眼 第八天 再次返到宮城縣，去到以紅葉聞名既鳴子峽，秋天鳴子峽配上彩虹果然係一個好地方 第九天 福島縣只見線係鐵路迷聖地，秋天更為只見線帶黎更多色彩 宏偉既會津若松城 第十天 最後一日留係東京市內行下街買下野，旁晚要起程去機場 今次旅程有時候天氣唔係咁好，有時更加要早出晚歸，不過可以欣賞到咁靚既風景，感受一個真正既秋天，咁精彩既旅程就算幾辛苦都唔緊要啦
