< 鹿兒島﹑宮崎﹑指宿﹑熊本6天遊 > 第四天 今日係使用JR Pass既最後一日，又可以繼續鐵路旅程，坐唔同觀光列車 六點起身上到天台，時間岩岩好睇到日出，仲要係櫻島火山襯托之下既靚日出 之前買左十個杯麵都唔知帶唔帶到咁多返香港，今朝開始當早餐食；呢款烏冬以前係香港我都有買，味道唔錯架，但食左幾日之後真係食到怕... 今日天氣都係非常好，係藍天加銀杏之下再次向鹿兒島中央站行去 點擊圖片放大 早十五分鐘黎到月台影火車，不過車仲未到 準備坐既係「隼人之風」，由「鹿兒島中央站」開到「吉松站」 車到啦！「隼人之風」係一部黑色既特色列車 車上乘客唔算多，襯未開車四圍影影相 點擊圖片放大 +2 我坐既指定席車箱就更少人，呢個就係我坐既梳化位，前面係落地大玻璃，睇風景一流，好感謝幫我畫位既職員比個咁舒服既位我 開車之後坐定定望坐個海，櫻島就係眼前 火車一路行，櫻島越黎越遠，風景亦由海景慢慢變成山區風景 火車去到一啲特別既車站會停一段時間，乘客可以落車參觀，職員都會落車幫大家影相，準備開車時又會提醒大家上車，大家都可以放心落車玩 去到「嘉例川站」可以落車啦，車站係1903年開始運營，同「大隅橫川站」並稱肥薩線最古老車站 木造車站有種懷舊鄉土氣息，好似返左一百年前一樣 點擊圖片放大 職員忙住幫大家影相 離開古老車站繼續前進，穿過山區地方 下個站到達「霧島溫泉站」，不過車站距離霧島溫泉區有一段距離，要再坐車先可以到 點擊圖片放大 +2 下個站「大隅橫川站」，呢個又係一個古老車站 點擊圖片放大 +2 路過「栗野站」冇再落車，下個站就到總站 總站「吉松站」 岩岩坐既「隼人之風」 車站算係比較大，對出有好多建築物，比起頭先路過既地方熱鬧好多 點擊圖片放大 站外擺放左蒸氣火車 點擊圖片放大 有間好細好細好細既屋仔介紹鐵路歷史 見到下一班火車到站，都係時候返入去上車 準備要搭既火車係呢部紅色既「新平」號，列車由「吉松站」開往「人吉站」 車廂復古設計，乘客感覺上比頭先更少 點擊圖片放大 +2 去到「真幸站」，車站附近咩都冇 點擊圖片放大 +2 月台有一個幸福之鐘 路過「日本三大車窗風景」之一既地方，列車停低比大家慢慢欣賞，可以望到霧島山脈 點擊圖片放大 下一站「矢岳站」位於山之中，有一間小小既蒸氣火車展覽館 點擊圖片放大 +2 可以買到當地特產 車站就只係一間小小既木造車站 點擊圖片放大 沿路繼續係山區風景 點擊圖片放大 經過螺旋式同Z字型路線，去到「大畑站」落車，呢個站都係山中間附近咩都冇 點擊圖片放大 +2 車站牆壁有好多卡片，傳說將卡片貼係候車室牆壁就會出人頭地，最知我都拎多幾張卡片去貼啦 唔經唔覺就到總站「人吉站」 右邊紅色既係頭先搭既「新平」，左邊藍色就係一陣要搭既「翡翠山翡翠」 有小小時間可以出去行下，人吉算係一個城市，比起頭先經過既地方熱鬧好多，可惜時間唔多冇時間慢慢睇，出去望幾眼又要入返去準備上車 以前睇電視介紹話人吉站有好出名既鐵路便當賣，但我又見唔到既？一陣搭既列車有兩卡車箱，綠色個卡叫「山翡翠」，藍色個卡叫「翡翠」 車廂比起頭先坐個兩部豪華同靚好多，顏色亦都豐富好多 點擊圖片放大 +4 乘客亦都多好多 我個位又係呢啲對住窗口既位，一陣又可以對住靚風景 由「人吉站」去「熊本站」本來仲有「SL人吉」行駛，可惜我12月去既呢段時間「SL人吉」停駛所以搭唔到，只可以話同佢無緣，如果坐到蒸汽火車會吸引好多，不過呢部「翡翠山翡翠」都唔差；去到「一勝地站」可以落一落車，但候車室太遠大家都冇行過去，只係係車旁邊影相 點擊圖片放大 +3 列車離開人吉就一路沿住「球磨川」向前行，我個位長期都對正球磨川，可以坐定定睇靚風景 點擊圖片放大 +2 窗外景色不知不覺由山區河流風景變成平地田園風景，即係已經過左一半路程啦 點擊圖片放大 再次黎到「熊本站」，同印象中有啲唔同 點擊圖片放大 熊本電車 唔經唔覺坐火車坐到三點幾，即刻行去呢間算係有啲名氣既熊本拉麵店「黑亭」 又係一碗好好食既拉麵 去左車站附近既「北岡神社」睇紅葉，門口有一棵紅葉樹好靚 點擊圖片放大 坐電車去到熊本城附近 熊本城維修緊 終於黎到部長辦公室，部長唔係道都唔緊要，一樣有野睇有野買 點擊圖片放大 +3 係商店街行下，行到八點就返去熊本站 沿河邊行就可以行到 車未到就係熊本站行下，周圍都有好多熊本熊 點擊圖片放大 坐新幹線直接返鹿兒島，見到插蘇先醒起火車可以差電...琴日個外置差電器差唔到電先發現發脹左，今日電話長期都唔夠電，係熊本一路都keep住得1%，除左睇時間都唔敢用佢... 大約一個鐘車程返到「鹿兒島中央」，再去在來線轉車返鹿兒島站 點擊圖片放大 咁岩見到九州七星列車！ 落左車又要行返去lu，電車站啲燈光有啲恐怖 點擊圖片放大 返到去繼續清杯麵，今次試呢個烏冬 唔經唔覺又到左一點，晚晚都係咁夜先訓，哈哈
