< 吉隆坡﹑檳城﹑怡保8天遊 > 第三天 今日繼續去唔到地方開餐，好多美食等緊我架！ 早餐係我鐘意食既炒麵，仲有飯tim，食飽後出發開始今日活動 去左吉隆坡市區呢條馬來西亞公共屋邨，外表睇落同香港舊式屋邨有幾分相似，咁多樹環境唔錯 近睇似工廠大廈 士多都有，好懷舊feel 上到去真係好似工廠；入面單位好大間，比香港公屋大好多，只係部lift又舊又慢又黑，感覺有小小恐怖 話咁快就到左開餐時間，去左呢間喱姐朋友開既餐廳，呢道外表睇落似一間酒吧，如果係門口行過一定估唔到佢竟然有飯有麵食 我又食炒麵啦，見到咁既顏色都知道好夠味 呢個係「怡保雞絲河粉」，河粉睇落好滑 「蝦麵」 「楊州炒飯」 「花雕醉雞」 「口水雞」 食完去左行商場，環境好靚，相信夜晚一定靚更多，而且夜晚唔會好似而家咁曬住太陽，清涼好多 點擊圖片放大 +2 兩層都係餐廳，不過仲好飽暫時唔洗食野住 旁晚時間去左夜市；台灣夜市就去得多，黎到先知道馬來西亞原來都有呢類型既夜市，而且係一個超地道，正常遊客唔會去既夜市；夜市有野食又有好多野賣，係當地人日常生活一部份 夜市係唔係一定要有炸雞扒呢？台灣夜市除左雞扒之外冇咩野令我有興趣，馬來西亞夜市就好唔同，好多野食都又特別又吸引，唔洗係道食雞扒 已經唔記得佢地叫咩名，總之好食就得 燒賣大粒又足料，仲有好多款式，忍唔住買左袋一路行一路食；呢啲唔係香港街邊既燒賣，而係茶樓食到個款，仲大粒過茶樓，價錢仲係非常抵食 春卷都特別大條，邊食到咁多野！ 有好多野都想食，不過真係食唔落啦，只可以認輸，唯有用對眼睇當食左 點擊圖片放大 +8 馬來西亞好多生果出產，中間白色個款特別多（香港應該冇得賣），不過我就覺得好難食，完全唔岩我口味；見到山竹就諗起上次黎馬來西亞時自己係酒店房食左一袋咁誇張 行行下好快就天黑 印度咖喱好正，又正宗又好食 夜晚都係由朋友媽媽泡製豐富晚餐，我唔好意思影相所以冇得睇，哈哈 第四天 早餐去左中餐館開餐 陳設有小小懷舊味道，就好似細個時成日見到既餐廳，而家除左舊區之外應該唔會見到 竟然係用雞公碗！我應該係第一次用雞公碗食飯！ 馬來西亞飲茶流行自己加冰落茶杯，飲凍茶超正！如果係香港飲茶時好似咁放冰入去，我相信一定會比人鬧到飛起 之前我都有講過我鐘意食粉麵，今餐又岩晒我；呢邊既飲食文化同我地有小小分別，呢個「肉碎撈麵」我諗香港冇掛？我未係香港見過有呢個食 呢個「滑蛋鴛鴦」都係未見過，佢地都係一樣好好食，好食到要叫多碟，今次食完唔知幾時先可以再食啦 「芭菇菜沙律」都係馬來西亞先有 「砂鍋田雞粥」應該香港好多地方都可以食到，個粥又綿又滑 餐廳位於華人區，所有招牌都有中文字，見到既人都係講同聲同氣既廣東話 食完早餐去到呢個有獅身人面像既商場 點擊圖片放大 黎呢道係為左「Hello Kitty Cafe」；Hello Kitty Cafe之前去過兩間，估唔到吉隆坡都有順便黎睇一睇 Hello Kitty Cafe裝飾一定靚啦，成間都係Kitty想唔靚都幾難；呢段時間Cafe就只係得我地幾個客人，四圍走影相完全冇問題 點擊圖片放大 +4 下面影完上去上層繼續影 點擊圖片放大 +3 入到黎點都要食返啲野既，所有野都係行得意路線，花多眼亂之下有選擇困難，諗左唔知幾耐先揀到 點擊圖片放大 所有野上面都有kitty，我地唔趕時間可以係呢間咁靚既Cafe慢慢歎 呢個商埸好大好大，我地行去另一個地方繼續開餐 點擊圖片放大 +2 香港已經冇左好多年既Wendy's竟然係呢道見到！ 香噴噴既曲奇餅 黎左呢間咁靚既餐廳食tea 點擊圖片放大 +3 餐廳人唔多坐邊都得，我地揀左個最舒服既梳化位等開餐 第一次食呢款下午茶，我鐘意食甜品好岩我；一邊嘆茶，一邊食到咁多唔同甜品特別開心 我最估唔到既係甜品中間會有炸雞出現，都係岩我食，哈哈 點擊圖片放大 商場既超級市場都係超大 下午茶之後返朋友屋企，順便參觀一下屋苑環境，別墅起係河邊，環境好靚，沿河邊散步或者跑步一定好舒服 晚餐去左吉隆坡市區一間海鮮酒家，裝修感覺好高級 我覺得呢道既野食好食過我係香港食過既所有酒樓，就好似呢個「黃金鬼豆苗」睇落唔特別，但係超好食，想像唔到平時食開既普通豆角可以煮出咁正既菜式，我食左好多好多 其他菜式大家都覺得好食，呢個係「炆豆腐根」 「黑椒雞粒」 「濕奶油焗蟹」 「銀魚仔炒飯」 「啦啦（蚵仔）炒米粉」 「銀絲卷」 呢餐非常正，又係滿足既一餐 今餐係慶祝生日，Happy Birthday！ 食過呢餐之後，吉隆坡美食之旅接近尾聲，成個旅程食左好多美食，仲要樣樣都係咁正，係一個超滿足既旅程；咁多日以黎好感謝朋友同屋企人熱情款待，日日都玩得食得好開心，如果冇邀請既話我就享受唔到呢個咁特別既旅程，非常感謝；我相信將來一定會有機會再去吉隆坡，到時又要再打搞啦
